+7 (701) 759 90 19
-18 °С : نۇر-سۇلتان
-7 °С : الماتى
USD 418.41 EUR 507.95
RUB 5.69 CNY 64.76
جاڭالىقتار

ديەگو مارادونا ولىمىنە دارىگەرلەردىڭ سالعىرتتىعى سەبەپ بولۋى مۇمكىن

28 قاراشا 17:40
:ءبولىسۋ
ديەگو مارادونا ولىمىنە دارىگەرلەردىڭ سالعىرتتىعى سەبەپ بولۋى مۇمكىن

بۋەنوس- ايرەس. Telam - قازاقپارات - ارگەنتينادا جاقىندا كوز جۇمعان فۋتبول اڭىزى ديەگو مارادونانىڭ ولىمىنە قاتىستى تەرگەۋ باستالدى، دەپ حابارلايدى قازاقپارات Telam اگەنتتىگىنە سىلتەمە جاساپ.

ارگەنتينالىق اگەنتتىكتىڭ مالىمەتىنە سايكەس، قايتىس بولعان فۋتبولشى، ارگەنتينا قۇراماسىنىڭ جاتتىقتىرۋشىسىنا قاتىستى تەرگەۋ بويىنشا ونىڭ جاعدايىن باقىلاۋ ءۇشىن ارنايى جالدانعان مەديتسينالىق قىزمەتكەرلەر نەمقۇرايلىلىققا جول بەرگەن دەپ كۇدىككە ءىلىنىپ وتىر. مەدبيكەنىڭ ءبىرى مارادوناعا جۇرەگى توقتاعان كۇنى تاڭەرتەڭ قاجەتتى ءدارىسىن بەرمەگەن.


سونىمەن قاتار، Telam اگەنتتىگى العان قولجازبا مەديتسينالىق ەسەبىنە سايكەس، مەدبيكە بۇرىنعى فۋتبولشىنى ءتىپتى وياتپاعان. ول ۇيگە پسيحولوگ پەن پسيحياتر كەلگەن ءساتتى كۇتكەن (ولار ەسەپتە ايتىلعانداي، تاڭەرتەڭگى ساعات 11-دە كەلگەن)، سودان كەيىن عانا ناۋقاستىڭ جانىنا بارعان.

ءدال سول كەزدە ناۋقاستىڭ يمپۋلسى جوق ەكەندىگى انىقتالعان. سونىمەن قاتار، مارادونانىڭ ادۆوكاتى ماتياس مورلا دارىگەرلەر بۇرىنعى فۋتبولشىعا 30 مينۋتتان استام ۋاقىتتا جەتتى دەپ مالىمدەيدى.


الىنعان تەرگەۋ جازبالارىنا سايكەس، مارادوناعا جەدەل جاردەمنىڭ كەلۋ ۋاقىتى 11 مينۋتتى قۇراعان. Twitter- دەگى رەسمي اككاۋنتىندا مورلا جەدەل جاردەمنىڭ كەشىگۋىن «قىلمىستىق اقىماقتىق» دەپ اتادى.

ەسكە سالا كەتەيىك، 25 - قاراشادا ديەگو مارادونا 60 جاسىندا دۇنيەدەن ءوتتى. ول بۋەنوس- ايرەس ماڭىندا جەرلەندى.

اۆتور: اياۋلىم التىنبەك


#الةم  
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات