يراندا فيزيك عالىمعا قاستاندىق جاسالدى

تەگەران. ي ر ن ا- قازاقپارات - يراندا لاڭكەستىك شابۋىلدان ەلدىڭ قورعانىس مينيسترلىگىنىڭ زەرتتەۋلەر مەن يننوۆاتسيالار ۇيىمىنىڭ باسشىسى، عالىم موحسەن فاحريزادە ءولتىرىلدى.

بۇل تۋرالى يران قورعانىس مينيسترلىگىنىڭ قوعاممەن بايلانىس ءبولىمىنىڭ مالىمدەمەسىندە ايتىلعان، دەپ حابارلايدى قازاقپارات ي ر ن ا اگەنتتىگىنە سىلتەمە جاساپ.

«بۇگىن لاڭكەستەر قورعانىس مينيسترلىگى جانىنداعى زەرتتەۋ جانە يننوۆاتسيا ورتالىعىنىڭ باسشىسى موحسەن فاحريزاداعا شابۋىل جاسادى» دەلىنگەن مينيسترلىكتىڭ حابارلاماسىندا. موحسەن فاحريزادە كۇزەت قىزمەتى مەن لاڭكەستەر قاقتىعىسى كەزىندە اۋىر جاراقات الىپ، اۋرۋحاناعا جەتكىزىلگەن. «وكىنىشكە قاراي، دارىگەرلەر ونى قۇتقارا المادى جانە بىرنەشە مينۋت بۇرىن ول قايتىس بولدى» دەپ حابارلادى ەلدىڭ قورعانىس مينيسترلىگى.

اۆتور: اياۋلىم التىنبەك