مايك تايسون مەن روي دجونس جەكپە- جەك الدىندا سالماق ولشەدى

نۇر- سۇلتان. قازاقپارات - الەمگە تانىمال بوكس اڭىزى مايك تايسون مەن روي دجونس ايقاس الدىندا سالماق ولشەۋدەن ءوتتى، دەپ حابارلايدى قازاقپارات.

تايسون تارازىدا 220.4 فۋنتتى (99.97 كەلى)، ال دجونس 210 فۋنتتى (95.25 كەلى) كورسەتتى. بۇعان دەيىن حابارلاعانىمىزداي، 29 - قاراشادا كاليفورنياداعى كارسون قالاسىنىڭ Dignity Health Sports Park ارەناسىندا 54 جاستاعى مايك تايسون مەن 51 جاستاعى روي دجونس اراسىندا جەكپە- جەك وتەدى. كەزدەسۋ ەلوردا ۋاقىتىمەن 07:50-دە باستالادى.

كاسىپقوي بوكسشىلاردىڭ جۇدىرىقتاسۋ كەشىن «قازاقستان» جانە «قازسپورت» تەلەارنالارى تىكەلەي ەفيردە كورسەتەدى.

ايتا كەتەرلىگى، 15 جىلدان كەيىن شارشى الاڭعا ورالعان مايك تايسوننىڭ بۇل ايقاستاعى گونورارى 10 ميلليون دوللاردى قۇراسا، قارسىلاسى روي دجونس 3 ميلليون دوللار الادى.

اۆتور: مۇحتار قاليموللا ۇلى