+7 (701) 759 90 19
-18 °С : نۇر-سۇلتان
-7 °С : الماتى
USD 419.69 EUR 510.89
RUB 5.63 CNY 64.82
جاڭالىقتار

قىتايدا شەتەلدىك ونىمدەرگە قاتىستى سانيتارلىق شارالار كۇشەيتىلىپ جاتىر

28 قاراشا 13:28
:ءبولىسۋ
قىتايدا شەتەلدىك ونىمدەرگە قاتىستى سانيتارلىق شارالار كۇشەيتىلىپ جاتىر

نۇر-سۇلتان. قازاقپارات - قىتايدا شەتەلدەن اكەلىنەتىن مۇزداتىلعان ونىمدەرگە قاتىستى سانيتارلىق شارالار كۇشەيتىلىپ جاتىر. ۆيرۋس وسى ونىمدەردى تاسىمالدايتىن كونتەينەرلەردەن دە جۇعۋى مۇمكىن ەدى.

تاپ وسىنداي وقيعالار شانحاي قالاسى مەن شىڭجان ايماعىندا تىركەلدى. سوڭعى ايدا ەلدە ەپيدەميولوگيالىق باقىلاۋ شارالارى كۇشەيتىلدى. قىتاي ۇكىمەتى وسىلاي الداعى قىسقى ماۋسىمعا دايىندالىپ جاتىر. مەكتەپ پەن بالاباقشالاردىڭ اكىمشىلىكتەرى اتا- انالارعا حابارلاما جىبەردى.

ەگەر ولار يمپورتتالعان تاۋارلار مەن كونتەينەرلىك تاسىمالداۋمەن اينالىساتىن كومپانيالاردا جۇمىس ىستەيتىن بولسا، ءوزى تۋرالى مالىمەت بەرۋى قاجەت. ويتكەنى كوروناۆيرۋس دەرتى مۇزداتىلعان ونىمدەردىڭ قاپتاماسىنان عانا ەمەس، كونتەينەردەن دە جۇعۋى مۇمكىن ەكەنى انىقتالعان. جەرگىلىكتى مامانداردىڭ ايتۋىنشا، وسىنداي سۋىق ورتادا ۆيرۋس ۇزاق ساقتالادى ەكەن.

ۋ جۋنيۋ، ق ح ر اۋرۋلاردى باقىلاۋ جانە الدىن الۋ ورتالىعىنىڭ باس ەپيدەميولوگى:

- رەسپيراتورلىق اۋرۋلار ناۋقاسپەن قول الىسقاندا نەمەسە ءبىر تۇتقانى ۇستاعاندا جۇعادى. الايدا قازىر مۇزداتىلعان ونىمدەر ساقتالعان قاپتامالاردان، ماسەلەن، بوس كونتەينەرلەردەن دە ۆيرۋس جۇعۋى مۇمكىن. ۆيرۋستىڭ وسىنداي جولمەن جۇققانى جايلى جاڭا دەرەكتەر شانحايدا بولعان.

«ساقتىقتا قورلىق جوق» دەپ، بەيجىڭ قالاسىنىڭ بيلىگى قاۋىپسىزدىك شارالارىن كۇشەيتپەك. شەتەلدەن كەلەتىن بارلىق سالەمدەمە ەندى ەكى رەتتەن زالالسىزداندىرىلادى. الدىمەن اۋەجايدا، كەيىن سۇرىپتاۋ ورتالىعىندا. «ۆيرۋستى ولتىرەتىن ەرىتىندى قاپتاماعا قاۋىپسىز»، - دەيدى ماماندار.

ال وسى سالادا ىستەيتىن قىزمەتكەرلەر ۇنەمى تەستىلەۋدەن وتەتىن بولدى.

لي نين، ازىق- تۇلىك ونىمدەرى قاۋىپسىزدىگىن باعالاۋ جونىندە مەملەكەتتىك ورتالىق ديرەكتورىنىڭ ورىنباسارى:

- ولار ارنايى كيىم، بىررەتتىك مەديتسينالىق ماسكالار مەن قولعاپتار كيۋى ءتيىس. قاجەت بولعاندا قورعانىش كوزىلدىرىك پەن پلاستيك ەكرانىن تاعۋى كەرەك. سونداي- اق تاسىمالداۋ بارىسىندا مۇزداتىلعان ونىمدەردىڭ بەتىن ۇستاۋعا بولمايدى. جۇمىس اياقتالعاننان كەيىن بىردەن قولىن انتيسەپتيكتەرمەن وڭدەپ، جۋۋى قاجەت. سونداي- اق وسى قىزمەتكەرلەردى تەستىلەۋ كۇشەيتىلەدى.

ماماندار الداعى قىستا كوروناۆيرۋستى جۇقتىرۋ قاۋپى ارتاتىنىن ەسكەرتتى. قىتايدا ۇزاققا سوزىلاتىن اي كۇنتىزبەسى بويىنشا جاڭا جىل مەيرامى دا ۇلكەن سىناق بولاتىن ءتۇرى بار.

www.24.kz


#الةم  
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات