جاعداي كۇردەلەنسە، كارانتين رەجيمىن كۇشەيتەمىز - باقىتجان ساعىنتايەۆ

الماتى. قازاقپارات - الماتى اكىمى باقىتجان ساعىنتايەۆ قالا تۇرعىندارىنا ۇندەۋ جاريالادى، دەپ حابارلايدى قازاقپارات ءتىلشىسى.

«قۇرمەتتى الماتىلىقتار. 2020 -جىل ءبىز ءۇشىن ۇلكەن ساباق بولدى. ەڭ باستىسى - بوساڭسىماۋ. پاندەميا باسىلعان جوق. بۇكىل الەمدەگى جاعداي دا ۋشىعىپ تۇر. الماتى جۇقتىرۋ قاۋپىنىڭ «سارى» ايماعىنا ەندى. بارشاڭىزدى سانيتارلىق ەرەجەلەردى قاتاڭ ساقتاۋعا شاقىرامىن. جاعداي كۇردەلەنسە، رەجيمدى كۇشەيتەمىز»، - دەدى اكىم Instagram پاراقشاسىندا.

ايتا كەتۋ كەرەك، وتكەن تاۋلىكتە قازاقستاندا ك ۆ ي بەلگىسى بار پنيەۆمونيانىڭ 184 جاعدايى تىركەلسە، ونىڭ 84- ءى - الماتىدا. 1- تامىزدان بەرى قازاقستاندا 41940 ادام پنيەۆمونياعا شالدىقتى، 440 ادام كوز جۇمدى. 30422 ادام جازىلىپ شىقتى.

اۆتور: گۇلميرا عوسمانالي