كاسىپقوي بوكس: دەنيەل دجەيكوبس كەزەكتى جەكپە- جەگىندە جەڭىسكە جەتتى

None
None
نۇر- سۇلتان. قازاقپارات - 28 - قاراشا كۇنى امەريكانىڭ فلوريدا شتاتىندا وتكەن كاسىپقوي بوكس كەشىندە گەننادي گولوۆكيننىڭ (40-1-1،35 ك و) بۇرىنعى قارسىلاستارى دەنيەل دجەيكوبس پەن (36-3-0، 30 ك و) گابريەل روسادو (25-11-1، 11 ك و) اراسىندا جەكپە- جەك ءوتتى، دەپ حابارلايدى قازاقپارات.

جەكپە- جەك - MatchroomBoxing پروموۋتەرلىك كومپانياسى مەن DAZN ستريمينگ پلاتفورماسى وتكىزىپ وتىرعان بوكس كەشىنىڭ باستى ايقاسى. 12 راۋندقا سوزىلعان ايقاستا دجەيكوبس ايقىن باسىمدىق تانىتا المادى. الايدا، ول جەكپە- جەك بارىسىندا بارىنشا ءبىرىنشى نومىردە جۇدىرىقتاسۋعا تىرىسىقان بولاتىن. ال قارسىلاسى روسادو شارشى الاڭدا وعان ايتارلىقتاي قيىندىقتار تۋعىزدى.

قورتىندىسىندا دجەيكوبس ۇپاي سانى بويىنشا (115-113/113-115/115-113) جەڭىسكە جەتتى. ايتا كەتەرلىگى، دەنيەل دجەيكوبس ءۇش جىل بۇرىن قازاقستاندىق بوكسشى گەننادي گولوۆكيننەن ۇپاي سانى بويىنشا جەڭىلىس تاپقان بولاتىن. سونداي- اق، ول GGG- مەن 12 راۋند ايقاسقان العاشقى قارسىلاس رەتىندە قازاقستاندىق جانكۇيەرلەردىڭ ەسىندە قالدى. گابريەل روسادو 2013 -جىلى گولوۆكينمەن قولعاپ ءتۇيىستىرىپ، 7 راۋندتا تەحنيكالىق نوكاۋتپەن جەڭىلگەن.

ەسكە سالا كەتسەك، دجەيكوبس- روسادو ايقاسىنىڭ اندەركارتىندا بوكستان ريو وليمپياداسىنىڭ چەمپيونى، قازاقستاندىق كاسىپقوي بوكسشى دانيار ەلەۋسىنوۆ (9-0، 5 ك و) كەزەكتى جەكپە- جەگىن وتكىزىپ، بۇرىنعى الەم چەمپيونى دجۋليۋسو يندونگونى (23-2، 12 ك و) ەكىنشى راۋندتا تەحنيكالىق نوكاۋتپەن جەڭدى.

اۆتور: مۇحتار قاليموللا ۇلى

سوڭعى جاڭالىقتار