+7 (701) 759 90 19
-11 °С : نۇر-سۇلتان
-4 °С : الماتى
USD 419.54 EUR 509.2
RUB 5.72 CNY 64.81
جاڭالىقتار

قوسشى قاشان ەلورداعا قوسىلادى؟

27 قاراشا 22:48
:ءبولىسۋ
قوسشى قاشان ەلورداعا قوسىلادى؟

نۇر-سۇلتان. قازاقپارات - ەلوردا ىرگەسىندەگى كەيبىر اۋىلداردىڭ الەۋمەتتىك ماسەلەسى الداعى ەكى جىلدا شەشىلۋى ءتيىس. بۇل تۋرالى اقمولا وبلىسىنىڭ اكىمى ەرمەك مارجىقپايەۆ حالىققا ەسەپ بەرۋ كەزىندە ايتتى، دەپ حابارلايدى «حابار 24».

ءوڭىر باسشىسى قوسشى جانە قىزىلسۋات اۋىلدارىندا قوردالانعان پروبلەمالاردى شەشۋ بارىسىنا توقتالدى. اقمولا وبلىسىنىڭ قوسشى اۋىلىن ەلوردا اۋماعىنا قوسۋ تۋرالى سۇراق ۇلتتىق حالىق ساناعىنان كەيىن قارالادى. قازىر اتالعان ەلدى مەكەندە شامامەن 50 مىڭنان استام ادام تۇرىپ جاتىر.

«الايدا رەسمي قۇجاتتار بويىنشا ونداعى حالىق سانى 36 مىڭعا جۋىقتايدى»، - دەيدى وبلىس اكىمى ەرمەك مارجىقپايەۆ. ءوڭىر باسشىسى سەلينوگراد اۋدانىنا قاراستى قىزىلسۋات اۋىلى تۋرالى دا ايتتى.

ەرمەك مارجىقپايەۆ، اقمولا وبلىسىنىڭ اكىمى:

- قىزىلسۋات اۋىلى تۋرالى ايتاتىن بولسام، ول جاقتا راسىمەن دە الەۋمەتتىك ماسەلەلەر جەتكىلىكتى. ءبىراق سوڭعى 2 جىل ىشىندە 150 ءۇي ەلەكتر قۋاتىمەن قامتىلدى. ەندىگى كەزەكتە قاسىندا پايدا بولعان شاعىن اۋداندى دا ەلەكتر جەلىسىنە قوسامىز. قازىر جوبالىق- سمەتالىق قۇجاتتارى ازىرلەنىپ جاتىر. 2021 -جىلى 20 شاقىرىم جول جوندەلەدى. ال اۋىز سۋمەن قامتاماسىز ەتۋ پروبلەماسى شىنىندا دا كۇردەلى. الداعى ۋاقىتتا قاراعاندى وبلىسىنان ەلورداعا قاراي سۋ قۇبىرى تارتىلۋى قاجەت. ءبىز ءازىر وسى جوبانىڭ اياقتالۋىن كۇتۋگە ءماجبۇرمىز.

ەستەرىڭىزدە بولسا، وتكەن اپتادا پارلامەنت سەناتىنىڭ پلەنارلىق وتىرىسىندا وكپەنى جاساندى جەلدەتۋگە ارنالعان وتاندىق اپپاراتتاردىڭ ساپاسى بويىنشا سىن ايتىلعان ەدى. سول كەزدە يندۋستريا جانە ينفراقۇرىلىمدىق دامۋ مينيسترلىگى مەن قازاقستان ماشينا جاساۋشىلار وداعى تەرىس اقپاراتتى جوققا شىعاردى. وبلىس اكىمى ەرمەك مىرجىقپايەۆ تا كارانتين كەزىندە اتقارىلىپ جاتقان شارالارعا توقتالا كەلە، جەرگىلىكتى «تىنىس» زاۋىتىندا شىعارىلاتىن مەديتسينالىق قۇرىلعىلاردىڭ ساپاسىنا ءشۇبا كەلتىرمەدى.

ەرمەك مارجىقپايەۆ، اقمولا وبلىسىنىڭ اكىمى:

- ءبىزدىڭ زاۋىتتىڭ ساپاسىز ءونىم شىعارۋعا ەش قاتىسى جوق. وكپەنى جاساندى جەلدەتۋگە ارنالعان 800 اپپارات ءوندىرىلدى. ونىڭ ىشىندە 650ءى مەديتسينالىق مەكەمەلەردە قولدانىلىپ جاتىر. جەرگىلىكتى وندىرىسكە قاتىستى ەشقانداي شاعىم تۇسپەدى. ايتا كەتكەن ءجون، جىل باسىنان ءوڭىر ەكونوميكاسىنا شامامەن 300 ميلليارد تەڭگە قارجى قۇيىلدى. بۇل بىلتىرعى كورسەتكىشتەن %23 كە جوعارى. 20 مىڭنان استام كاسىپكەرلىك سۋبەكت سالىق جەڭىلدىگىن الىپ، ولاردىڭ نەسيە تولەۋ مەرزىمى كەيىنگە شەگەرىلدى. شاعىن جانە ورتا بيزنەستىڭ تامىرىنا قان جۇگىرتۋ ءۇشىن 7 ميلليارد تەڭگەدەن استام قارجى ءبولىندى. كارانتينگە بايلانىستى «بىرگەمىز» قورى ارقىلى 2 ميلليارد تەڭگەگە جۋىق قارجى الەۋمەتتىك وسال توپقا كىرەتىن 26 مىڭ ازاماتقا باعىتتالدى.



:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات