فۋتبولدان پرەمەر- ليگانىڭ ەل بىرىنشىلىگى: «توبىل» - كۇمىس، «استانا» - قولا جۇلدەگەر

None
None
نۇر- سۇلتان. قازاقپارات - فۋتبولدان پرەمەر- ليگا كوماندالارى اراسىنداعى ەل بىرىنشىلىگىنىڭ اياقتالۋىنا ءبىر تۋر قالدى. دەگەنمەن، چەمپيون جانە جۇلدەگەرلەر تولىق انىقتالدى، دەپ حابارلايدى قازاقپارات ءتىلشىسى.

بيىل چەمپيوندىق اتاق الماتىنىڭ «قايراتىنا» بۇيىردى. ال بۇگىنگى تۋردا قوستانايدىڭ «توبىلى» كۇمىس، ەلوردالىق «استانا» قولا مەدال يەگەرى اتاندى. بۇگىن «استانا» تالدىقورعاننىڭ «جەتىسۋىن» 2:1 ەسەبىمەن جەڭگەن بولاتىن. ال قوستانايلىق كلۋب جامبىلدىق «تاراز» كومانداسىنان 2:0 ەسەبىمەن باسىم ءتۇستى. وسىلايشا قوستانايلىق كوماندا 38 ۇپاي جيناپ، پرەمەر- ليگانىڭ اياقتالۋىنا ءبىر تۋر قالعاندا «استانادان» بەس ۇپايعا ۇزاپ كەتتى.

ەسكە سالساق، «توبىل» بۇدان بۇرىن 2003، 2005، 2007، 2008 -جىلداردا كۇمىس جۇلدەگە قول سوزدى. ال 2010 -جىلى قازاقستان چەمپيونى اتانسا، 2002، 2004، 2006، 2018 -جىلداردا ءۇشىنشى ورىن الدى.

سونداي- اق، بۇگىن قاراعاندىنىڭ «شاحتەرى» اقتاۋدىڭ «كاسپييىن» 4:0، پەتروپاۆلدىڭ «قىزىلجارى» قىزىلوردانىڭ «قايسارىن» 2:1 ەسەبىمەن جەڭدى. اتالعان تۋرداعى «قايرات» پەن «وقجەتپەس» كوماندالارى الدىن الا 11 ناۋرىزدا كەزدەسىپ، الماتىلىقتار 5:0 ەسەبىمەن باسىم ءتۇستى.

سوڭعى جاڭالىقتار