الماتى وبلىسىنىڭ شونجى اۋىلىنا سانيتارلىق بەكەتتەر قويىلدى

تالدىقورعان. قازاقپارات - الماتى وبلىسىنىڭ ۇيعىر اۋدانىنداعى شونجى اۋىلىندا كارانتيندىك شارالار كۇشەيتىلدى.

ۇيعىر اۋداندىق باس سانيتارلىق دارىگەرىنىڭ قاۋلىسىمەن ەلدى مەكەنگە كىرەتىن جولدارعا سانيتارلىق بەكەتتەر قويىلدى، دەپ حابارلايدى قازاقپارات ءتىلشىسى.

سوڭعى ءبىر اپتادا بۇل اۋىلدا كوروناۆيرۋس جۇقتىرۋدىڭ 21 جاعدايى تىركەلگەن. شونجىعا ەندى تەك اۋىلدا تىركەلگەن تۇرعىندار، جۇمىس ىستەيتىندەر مەن ماڭىزدى قىزمەتتەردىڭ وكىلدەرى كىرە الادى. ءتورت بەكەتتە ءتارتىپ ساقشىلارى مەن دارىگەرلەر جولاۋشىلاردىڭ دەنە قىزۋىن تەكسەرىپ، تىركەپ وتىرادى. ءبىر ەسكەرەتىن ءجايت، اۋدان اۋماعىنداعى ىستىق سۋ كوزدەرىندەگى تۋريستىك نىساندار بارلىق سانيتارلىق تالاپتارمەن جۇمىسىن جالعاستىرا بەرمەك.