+7 (701) 759 90 19
-5 °С : نۇر-سۇلتان
3 °С : الماتى
USD 420.32 EUR 509.34
RUB 5.7 CNY 64.85
جاڭالىقتار

پرەزيدەنت باستامالارى مەملەكەتتىك باسقارۋ جۇيەسىنە جاڭا تۇلعالاردى ۇسىنۋ پلاتفورماسىنا اينالدى - ەرلان قارين

27 قاراشا 18:26
:ءبولىسۋ
پرەزيدەنت باستامالارى مەملەكەتتىك باسقارۋ جۇيەسىنە جاڭا تۇلعالاردى ۇسىنۋ پلاتفورماسىنا اينالدى - ەرلان قارين

نۇر- سۇلتان. قازاقپارات - پرەزيدەنت باستامالارى مەملەكەتتىك باسقارۋ جۇيەسىنە جاڭا تۇلعالاردى ۇسىنۋ پلاتفورماسىنا اينالدى. مۇنداي پىكىردى ق ر پرەزيدەنتىنىڭ كەڭەسشىسى ەرلان قارين ايتتى، دەپ حابارلايدى قازاقپارات ءتىلشىسى.

«پرەزيدەنت باستامالارى - ۇلتتىق قوعامدىق سەنىم كەڭەسى پەن پرەزيدەنتتى جاستار كادرلىق رەزەرۆى مەملەكەتتىك باسقارۋ جۇيەسىنە جاڭا تۇلعالاردى ىلگەرىلەتۋ پلاتفورماسىنا اينالدى. ايتالىق، قازىرگى ۋاقىتتا ۇلتتىق كەڭەستىڭ 12 مۇشەسى ق ر پارلامەنتى ءماجىلىسى دەپۋتاتتىعىنا كانديداتتاردىڭ پارتيالىق ءتىزىمى قۇرامىنا كىردى: «اۋىل» پارتياسىنان - تولەۋتاي راحىمبەتوۆ پەن قۋات داۋرەن، «اق جول» قازاقستاننىڭ دەموكراتيالىق پارتياسىنان - دانيا ەسپايەۆا مەن يسا قازىبەك، قازاقستاننىڭ حالىق پارتياسىنان - جامبىل احمەتبەكوۆ. ۇلتتىق كەڭەستىڭ ءبىرقاتار ءوڭىلى «نۇر وتان» پارتياسىنىڭ پارتيالىق ءتىزىمىن تولىقتىردى: ساياسات نۇربەك، قانات نۇروۆ، باقىتبەك سماعۇل، بەرىك ءابدىعالي ۇلى، ەرلان سايروۆ، ايدوس سارىم جانە بەكبولات تىلەۋحان»، - دەپ جازدى ول Telegram پاراقشاسىندا.

سونىمەن قاتار، ول بۇعان دەيىن ۇلتتىق كەڭەستىڭ ءبىرقاتار مۇشەسى مەملەكەتتىك ورگاننىڭ جوعارى ساتىلارىنا تاعايىندالعانىن اتاپ وتەدى. ولاردىڭ قاتارىندا ق ر سيفرلىق دامۋ، يننوۆاتسيا جانە ايەروعارىش ونەركاسىبى ءمينيسترى باعدات مۋسين، شىمكەنت قالاسى اكىمىنىڭ ءبىرىنشى ورىنباسارى شىڭعىس مۇقان، قاراعاندى وبلىسى ۇلىتاۋ اۋدانىنىڭ اكىمى بەرىك ءابدىعالي ۇلى، اقپارات جانە قوعامدىق دامۋ ءمينيسترىنىڭ كەڭەسشىسى ماكسيم روجين، ەڭبەك جانە حالىقتى الەۋمەتتىك قورعاۋ ءمينيسترىنىڭ شتاتتان تىس كەڭەسشىسى ەمين اسكەروۆ بار.

«ءوز كەزەگىندە پرەزيدەنتتىك جاستار كادرلىق رەزەرۆى دە ءىس جۇزىندە جاستار مەن بىلىكتى كادرلاردى ىلگەرىلەتۋ ءۇشىن الەۋمەتتىك ليفتى رەتىندە تيىمدىلىگىن كورسەتىپ وتىر. «نۇر وتان» پارتياسىنان پارتيالىق ءتىزىمى بويىنشا كانديداتتار قاتارىنا رەزەرۆشىلەر - راسۋل مەدەتوۆ، تىلەكتەس ادامبايەۆ جانە ءزۇلفيا سۇلەيمەنوۆا كىردى. تولىقتاي العاندا 300 رەزەرۆشىنىڭ 166-سى قازىرگى ۋاقىتتا مەملەكەتتىك ورگانداردىڭ جانە كۆازمەملەكەتتىك كاسىپورىنداردىڭ ءتۇرلى پوزيتسيالارىنا جۇمىسقا ورنالاستى»، - دەدى ە. قارين.

اۆتور: مارلان جيەمباي



:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات