الەمدەگى ەڭ باي ادام كۇندەلىكتى نە ىستەيتىنىن ايتىپ بەردى
Amazon ينتەرنەت كومپانياسىنىڭ نەگىزىن قالاۋشى، Blue Origin اەروعارىش كومپانياسىنىڭ جانە The Washington Post يەسى دجەفف بەزوس ءوزىنىڭ Invent and Wander كىتابىندا سەگىز ساعات ۇيقىعا قاتتى ءمان بەرەتىنىن اتاپ ءوتتى.
«مەن ءتۇرلى ساعات بەلدىگىندە ساياحاتتاپ جۇرمەسەم، ۇيىقتار ەدىم. كەيدە سەگىز ساعات ۇيىقتاۋ مۇمكىن ەمەس، ءبىراق مەن بۇعان قاتتى ءمان بەرەمىن. سەگىز ساعات ۇيىقتاعاننان كەيىن ويلاۋىم جاقسارادى. ەنەرگيام كوبەيەدى جانە كوڭىل-كۇيىم جاقسارادى»، - دەپ جازدى 56 جاستاعى ميللياردەر.
سونداي-اق ول بيزنەستە قالاي شەشىم شىعاراتىنىن ايتىپ بەردى. ول سان ەمەس، ساپانىڭ ماڭىزدى ەكەنىن اتاپ ءوتتى جانە جوعارى لاۋازىمداعى ادامدارعا از، ءبىراق ساپالى شەشىم شىعارعانى ءۇشىن كوپ اقى تولەنەتىنىن ايتتى.
ونىڭ ايتۋىنشا، ول ماڭىزدى شەشىم شىعاراردىڭ الدىندا 17 رەت اناليز جاسايدى. ءبىراق جەڭىل تاپسىرمالاردى شەشكەن كەزدە مۇنداي ءادىس ءتيىمسىز، سەبەبى ءىرى كومپانيالاردا بارلىق شەشىم كەرەك ەمەس اۋىر پروتسەستەن كەيىن شىعارىلادى دەپ ەسەپتەيدى.
الەمدەگى ەڭ باي ادامنىڭ قولى قانشا بوس بولماسا دا، ول وتباسى ءۇشىن ۋاقىت تابادى.
«مەن تاڭەرتەڭ گازەت وقىعاندى، كوفە ىشكەندى ۇناتامىن. بالالارىم ساباققا كەتكەنشە بىرگە تاڭعى اس ىشكەندى جاقسى كورەمىن. سوندىقتان مەنىڭ ۋاقىتىم - مەن ءۇشىن وتە ماڭىزدى»، - دەپ ءبولىستى ول.
Tengrinews.kz