تانىمال رەجيسسەر حالىقارالىق قاقتىعىستاردى رەتتەۋدەگى ەلباسىنىڭ ءرولى تۋرالى ايتتى
ول بۇل تۋرالى بۇگىن اقپارات جانە قوعامدىق دامۋ مينيسترلىگىنىڭ ۇيىمداستىرۋمەن وتكەن حالىقارالىق جيىندا ايتتى، دەپ حابارلايدى قازاقپارات ءتىلشىسى.
وسى ورايدا رەجيسسەر وتكەن كەزەڭدە تاۋلى قاراباقتاعى قاقتىعىستاردى رەتتەۋدەگى ن. نازاربايەۆتىڭ قادامدارىن ەسكە الدى.
«جاقىندا قاراباقتاعى قاقتىعىس قايتا تۇتانىپ بارىپ، توقتادى. وسى جاعداي باستالعان كەزدە نۇرسۇلتان نازاربايەۆ ەسىمە ءتۇستى. سەبەبى 10 جىل بۇرىن نۇرسۇلتان ءابىش ۇلى ە ق ى ۇ- نىڭ قورىتىندى قۇجاتىنا ازەربايجاننىڭ دا، ارمەنيانىڭ دا كوشباسشىلارىن قول قويۋعا كوندىرگەن سوڭعى ساياساتكەر بولدى»، - دەدى راديك كۋدوياروۆ «ق ر تۇڭعىش پرەزيدەنتى: جاسامپازدىق پەن ۇدەمەلى دامۋدىڭ 30 جىلى» اتتى حالىقارالىق دوڭگەلەك ۇستەل وتىرىسىندا.
وسى ورايدا ول اتالعان قۇجاتتا بەيبىتشىلىكتى ساقتاپ، تاراپتار اراسىنداعى تەكەتىرەستى دوعارۋ شارالارى قامتىعانىن اتاپ ءوتتى.
«بۇل ءوز كەزەگىندە ۇلكەن جەتىستىك بولدى. سودان بەرى ەكى ەل باسشىلارى اراسىندا قانداي دا ءبىر قۇجاتقا قول قويىلمادى. نۇرسۇلتان ءابىش ۇلى بۇل جەتىستىككە قالاي قول جەتكىزىلگەنىن ايتقان ەدى. وسى ورايدا قازاقستان تۇڭعىش پرەزيدەنتىنىڭ كورەگەندىگىن بايقاۋعا بولادى. ويتكەنى ول ماڭىزدى شەشىمدەردى الدىن الا ويلاپ، قابىلدايتىن ادام»، - دەدى رەجيسسەر.