نۇرسۇلتان نازاربايەۆ ەلورداداعى اتلەتيكا الاڭىن ارالاپ كوردى

نۇر- سۇلتان. قازاقپارات - قازاقستاننىڭ تۇڭعىش پرەزيدەنتى جاڭا جەڭىل اتلەتيكا سپورت كەشەنىنە باردى.

بۇل تۋرالى قازاقپارات elbasy.kz سايتىنا سىلتەمە جاساپ حابارلايدى. شارا بارىسىندا نۇرسۇلتان نازاربايەۆ اتلەتيكا الاڭى مەن جاتتىعۋ ورتالىعىن ارالاپ، سپورت كەشەنىنىڭ بەينە تانىستىرىلىمىن كوردى.

جاڭا سپورت نىسانى بيىل قاراشا ايىندا ىسكە قوسىلىپ، وليمپيادالىق دايارلاۋ ورتالىعىنا پايدالانۋعا بەرىلدى. سپورت كەشەنى حالىقارالىق جەڭىل اتلەتيكا فەدەراتسياسىنىڭ (IAAF) سەرتيفيكاتىنا يە بولدى. بۇل سەرتيفيكات ەڭ جوعارى دەڭگەيدەگى جارىستاردى وتكىزۋگە مۇمكىندىك بەرەدى. كەشەندە جۇگىرۋ جولدارى بار اتلەتيكالىق الاڭ، ەكى باسسەين، قوناق ءۇي، بالالار الاڭى، فۋد- كورت، ترەناجەر زالى، يادرو لاقتىرۋ، بيىكتىككە جانە ۇزىندىققا سەكىرۋگە ارنالعان جاتتىعۋ الاڭدارى ورنالاسقان. نىسان قۇرىلىسى «سامۇرىق- قازىنا» اكتسيونەرلىك قوعامىنىڭ قاراجاتىنا سالىندى.