ەلباسى ق. قۋانىشبايەۆ اتىنداعى مەملەكەتتىك اكادەميالىق قازاق دراما تەاترىنا باردى

None
None
نۇر- سۇلتان. قازاقپارات - ەلباسى نۇرسۇلتان نازاربايەۆ ق. قۋانىشبايەۆ اتىنداعى مەملەكەتتىك اكادەميالىق قازاق مۋزىكالىق دراما تەاترىنا باردى.

بۇل تۋرالى قازاقپارات elbasy.kz سايتىنا سىلتەمە جاساپ حابارلايدى.

ەلباسى ەلوردانىڭ جاڭا مادەني نىسانىمەن تانىسىپ، تەاتردىڭ شىعارماشىلىق ۇجىمىمەن كەزدەستى. كەزدەسۋدە نۇرسۇلتان نازاربايەۆ استانا كوشكەلى قالادا قازاق دراما تەاترىنا جاڭا ءزاۋلىم عيمارات سالىپ بەرۋدى ويلاستىرعانىن اتاپ ءوتتى.

«بارشاڭىزعا شىعارماشىلىق جەتىستىك پەن تابىس تىلەيمىن. بۇگىننەن باستاپ ءبىز تەاتردى اشىق دەپ جاريالايمىز. ونىڭ قۇرىلىسىنا «سامۇرىق- قازىنا» كومپانياسى ارنايى قاراجات ءبولدى. مۇندا بارلىق جاعداي جاسالعان. كورەرمەندەردىڭ وسى تەاترعا قۋانا كەلەتىنىنە سەنىمدىمىن»، - دەدى قازاقستاننىڭ تۇڭعىش پرەزيدەنتى.

تەاتردىڭ جاڭا عيماراتى قازاقستاننىڭ تۇڭعىش پرەزيدەنتىنىڭ باستاماسىمەن بوي كوتەردى. عيماراتتىڭ جالپى اۋدانى 22 مىڭ شارشى مەتردەن اسادى. مۇندا 635 ورىندىق ۇلكەن زال، 202 ورىندىق كامەرالىق زال، ارت- گالەرەيا، مەيرامحانا، سالتاناتتى كەزدەسۋلەر زالى ورنالاسقان.




سوڭعى جاڭالىقتار