+7 (701) 759 90 19
-5 °С : نۇر-سۇلتان
4 °С : الماتى
USD 420.32 EUR 509.34
RUB 5.7 CNY 64.85
جاڭالىقتار

قازاقستاندىق بالا ديەگو مارادونامەن كەزدەسكەن ءساتىن ەسكە الدى

26 قاراشا 20:21
:ءبولىسۋ
قازاقستاندىق بالا ديەگو مارادونامەن كەزدەسكەن ءساتىن ەسكە الدى

نۇر- سۇلتان. قازاقپارات - اياقسىز تۋعان نۇر- سۇلتان قالاسىنىڭ تۇرعىنى ءالي تۇرعانبەكوۆ اتى اڭىزعا اينالعان فۋتبولشى ديەگو ارماندو مارادونامەن كەزدەسكەن ءساتىن ەسكە الدى، دەپ حابارلايدى قازاقپارات.

«ماعان «ماڭگى ەسىڭدە قالعان كەزدەسۋ تۋرالى ايتىڭىزشى»، - دەگەن سۇراق ءجيى قويىلادى. مەن بىردەن الەمگە ايگىلى فۋتبولشى ديەگو ارماندو مارادونامەن كەزدەسكەنىمدى ايتام. بۇل كەزدەسۋ مەيىرىمگە تولى بولدى. ءارى مەنىڭ جۇرەگىمدە ماڭگى ساقتالادى. بۇل مەنىڭ العاشقى كەزدەسۋىم بولدى! ول ماعان ەكى كۇن ۋاقىتىن ارنادى. ول مەنى قاتتى قۇشاقتاپ، باۋىرىنا باسىپ، ۇزاق ۋاقىت جىبەرمەي تۇردى»، - دەپ جازدى ءالي تۇرعانبەكوۆ Instagram-داعى پاراقشاسىندا.

ءالي تۇرعانبەكوۆتىڭ ايتۋىنشا، چەمپيون مارادونا جۇرەگى مەيىرىمگە تولى جان بولعان. «يمانىڭىز جولداس بولسىن، قىمباتتى دوسىم، ديەگو مارادونا! ول مەنى دوسىم دەيتىن»، - دەپ جازدى ءالي.

ەسكە سالساق، 25 - قاراشا كۇنى ارگەنتينالىق جۇلدىز ديەگو ارماندو مارادونا 60 جاسىندا جۇرەك تالماسىنان قايتىس بولدى. 2018 -جىلى وقۋشى ءالي تۇرعانبەكوۆ اتى اڭىزعا اينالعان فۋتبولشى ديەگو ارماندو مارادونامەن كەزدەسىپ، ونىڭ يىعىنا شاپان جاپقان بولاتىن.




:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات