ىشكى ىستەر ءمينيسترى ەلىمىز بويىنشا ازاماتتاردى ونلاين قابىلداۋدى ۇيىمداستىردى

None
None
نۇر- سۇلتان. قازاقپارات - ىشكى ىستەر ءمينيسترى ەرلان تۇرعىمبايەۆتىڭ باسشىلىعىمەن بارلىق وڭىرلىك بولىمدەردە ازاماتتاردى قابىلداۋ جۇرگىزىلدى. بۇل تۋرالى قازاقپارات ءى ءى م سىلتەمە جاساپ حابارلايدى.

اتالعان ءىس- شارا ەل تۇرعىندارى تاپ بولعان ماسەلەلەردى شەشۋگە جانە ىشكى ىستەر ورگاندارىنىڭ قىزمەتى بويىنشا تۇرعىندارعا ءارتۇرلى كەڭەستەر بەرۋگە باعىتتالعان. «ازاماتتاردىڭ قاۋىپسىزدىگىنە، ولاردىڭ زاڭدى قۇقىقتارى مەن مۇددەلەرىن قورعاۋعا بايلانىستى پروبلەمالىق ماسەلەلەر بارلىق دەڭگەيلەردە شۇعىل شەشۋدى تالاپ ەتەدى. بۇل باعىتتاعى جۇمىستار جالعاسۋدا. ەپيدەميولوگيالىق جاعدايدى ەسكەرە وتىرىپ، ءبىز زاماناۋي تەحنولوگيالاردى پايدالانۋ ارقىلى ۆەدومستۆونىڭ بارلىق باسشىلىعى جانە ونىڭ اۋماقتىق بولىمشەلەرىنىڭ، ونىڭ ىشىندە اۋداندىق پوليتسيا بولىمدەرى مەن قاج مەكەمەلەرى باسشىلارىنىڭ قاتىسۋىمەن ونلاين رەجيمدە ازاماتتاردى قابىلداۋدى جۇرگىزۋدى باستادىق»،-دەپ اتاپ ءوتتى ەرلان تۇرعىمبايەۆ.


تىركەلۋشىلەردىڭ ءبارىن قابىلداپ ۇلگەرۋ ءۇشىن مينيسترمەن بىرگە ونىڭ ورىنباسارلارى جانە ءى ءى م - نىڭ وڭىرلىك قۇرىلىمداردىڭ باسشىلارى دا قابىلداۋ جۇرگىزدى. جالپى العاندا، مينيسترلىك باسشىلىعى بىرنەشە ساعات ىشىندە 70 كە جۋىق ادامدى قابىلدادى. كەلىپ تۇسكەن بارلىق وتىنىشتەرگە بايلانىستى ەرلان تۇرعىمبايەۆ ءتيىستى قىزمەت باسشىلارىنا ناقتى تاپسىرمالار بەردى. قوسىمشا زەرتتەۋدى قاجەت ەتەتىن ماتەريالداردى مينيستر جەكە باقىلاۋعا الدى. بۇل ماتەريالدار بويىنشا ءتيىستى دەن قويۋ شارالارى قابىلدانىپ، تەكسەرۋلەر جۇرگىزىلەتىن بولادى.

«مينيسترلىك «حالىقپەن كەرى بايلانىس» ورناتۋ بويىنشا بارلىق شارالاردى قابىلداۋدا. سونىمەن قاتار، قابىلداۋعا جازىلعانداردىڭ سانى جەرگىلىكتى جەرلەردەگى حالىقتىڭ بارلىق پروبلەمالارى قۇقىقتىق شەشىمىن تاپپاي وتىرعانىن كورسەتەدى. مەملەكەت باسشىسىنىڭ جولداۋدا ايتىلعان تاپسىرماسىن ورىنداۋ اياسىندا جانە «حالىق ۇنىنە قۇلاق اساتىن مەملەكەت» تۇجىرىمداماسى ىسكە اسىرۋ بارىسىندا بىردە- ءبىر ءوتىنىش پەن ارىز نازاردان تىس قالماۋعا جانە دەن قويىلۋعا ءتيىس. بۇگىن ءبىز تۇرعىنداردان كەلىپ تۇسكەن وتىنىشتەر مەن ارىزداردى قاراۋ بويىنشا جۇمىسىن سارالايمىز، بۇل باعىتتا ءبىزدىڭ بولىمشەلەردىڭ باسشىلارىنا ءتيىستى باعا بەرىلەتىن بولادى»،- دەپ ناقتىلادى ءى ءى م باسشىسى. ازاماتتاردى قابىلداۋ وڭىرلەردە دە وتۋدە. وبلىستىق، قالالىق جانە اۋداندىق اۋماقتىق پوليتسيا ورگاندارى مەن قىلمىستىق- اتقارۋ جۇيەسىنىڭ باسشىلارى جانە ولاردىڭ ورىنباسارلارىنا 500 دەن استام ادام جازىلدى. ازاماتتاردى وسىنداي فورماتتا قابىلداۋ ۇنەمى جۇرگىزىلەتىن بولادى.


سوڭعى جاڭالىقتار