+7 (701) 759 90 19
-5 °С : نۇر-سۇلتان
4 °С : الماتى
USD 420.32 EUR 509.34
RUB 5.7 CNY 64.85
جاڭالىقتار

مەملەكەت باسشىسى پاۆلودار وبلىسىنىڭ اكىمىن قابىلدادى

26 قاراشا 18:35
:ءبولىسۋ
مەملەكەت باسشىسى پاۆلودار وبلىسىنىڭ اكىمىن قابىلدادى

نۇر- سۇلتان. قازاقپارات - مەملەكەت باسشىسى قاسىم- جومارت توقايەۆ پاۆلودار وبلىسىنىڭ اكىمى ءابىلقايىر سقاقوۆتى قابىلدادى، دەپ حابارلايدى اقوردا.

قازاقستان پرەزيدەنتىنە پاۆلودار وبلىسىنداعى بيىلعى جىلدىڭ 10 ايىندا اتقارىلعان جۇمىستاردىڭ قورىتىندىسى جايىندا باياندالدى. ءوڭىردىڭ الەۋمەتتىك- ەكونوميكالىق دامۋىندا وڭ ديناميكا بايقالادى.

وبلىس اكىمىنىڭ ايتۋىنشا، «جۇمىسپەن قامتۋ» جول كارتاسى شەڭبەرىندە 227 جوبا ىسكە اسقان. بۇگىندە ونىڭ 77 پايىزى تولىق اياقتالعان. قالعان 23 پايىزىن جىل سوڭىنا دەيىن اياقتاۋ جوسپارلانعان. ءابىلقايىر سقاقوۆ وڭىردەگى دەنساۋلىق ساقتاۋ سالاسى بويىنشا جۇزەگە اسىرىلعان جۇمىستار جايىندا ايتتى. ونىڭ ىشىندە، كوروناۆيرۋس پاندەمياسىن اۋىزدىقتاۋعا قاتىستى قابىلداعان شارالاردى اتاپ ءوتتى. ايماق باسشىسى بۇگىندە جاعداي كۇردەلى بولعانىمەن، تولىق باقىلاۋدا تۇرعانىنا، اۋرۋحانالار مەديتسينالىق قۇرالدارمەن جابدىقتالىپ، ءدارى- دارمەك قورىنىڭ جەتكىلىكتى ەكەنىنە توقتالدى.

سونىمەن قاتار 600 مەديتسينا قىزمەتكەرىنىڭ ءبىلىمى جەتىلدىرىلگەن. وڭىردە جاڭادان 4 پ ت ر سىناماسىن الاتىن لاباروتوريا اشىلعان. وبلىستا كۇنىنە 3 مىڭعا جۋىق پ ت ر سىناماسى الىنادى. قاسىم- جومارت توقايەۆ پاۆلودار وبلىسىنىڭ رەسپۋبليكاداعى ماڭىزدى ايماقتاردىڭ ءبىرى ەكەنىن، وڭىرگە جان- جاقتى قولداۋ كورسەتىلەتىن ايتتى. پرەزيدەنت وبلىس اكىمىنە حالىقتى جۇمىسپەن قامتۋ جۇمىستارىن جالعاستىرىپ، ايماقتىڭ الەۋمەتتىك- ەكونوميكالىق دامۋ قارقىنىن تۇسىرمەۋگە بايلانىستى ءبىرقاتار تاپسىرما بەردى.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات