قازاقستان- قىتاي شەكاراسىنداعى جاعدايعا تۇسىنىك بەرىلدى

نۇر- سۇلتان. قازاقپارات - قازاقستان رەسپۋبليكاسىنىڭ سىرتقى ىستەر مينيسترلىگى ەكسپورتتىق تاۋارلارى بار كولىكتەردى قىتاي اۋماعىنا وتكىزۋگە شەكتەۋگە قاتىستى ق ح ر- مەن كەلىسسوزدەر جۇرگىزۋدە، دەپ حابارلايدى قازاقپارات.

ق ر قارجى مينيسترلىگى مەملەكەتتىك كىرىستەر كوميتەتىنەن ءمالىم ەتكەندەي، پاندەميا باستالعالى قىتاي قازاقستاننان كىرەتىن كولىكتەر سانىن شەكتەدى.

«بۇرىن «نۇر جولى» باقىلاۋ- وتكىزۋ پۋنكتى ارقىلى قىتاي تاراپىنا كۇنىنە 200-دەن استام كولىك قاتىناپ كەلسە، پاندەميا باستالعاننان بەرى بۇل سان كۇنىنە 20-30 كولىككە دەيىن تومەندەدى»، - دەدى كوميتەتتەن.

اتاپ وتىلگەندەي، بۇل ماسەلەنى شەشۋ ءۇشىن قىتاي تاراپىمەن كەلىسسوزدەر جۇرگىزىلىپ، ناتيجەسىندە تاۋلىگىنە 80 كولىككە دەيىن وتكىزىلە باستادى.

«الايدا بيىلعى 10 - قاراشادان باستاپ قىتاي قازاقستاندىق تاراپتان قابىلداناتىن كولىكتەردىڭ سانىن شەكتەدى. ال ەكسپورتتىق تاۋارلارى بار كولىكتەر مۇلدەم وتكىزىلمەيدى. ماسەلەن، اعىمداعى جىلدىڭ 26 ​​ - قاراشاسىندا قىتاي تاراپى «ەۆرووترانزيت» كولىكتىك- لوگيستيكالىق ورتالىق اۋماعىندا قازاقستاندىق كولىكتەرگە تيەلگەن جۇكتەرى بار 7 تىركەمە عانا شىعاردى. وسىعان بايلانىستى، ماسەلەنى شەشۋ ءۇشىن قازاقستان رەسپۋبليكاسىنىڭ سىرتقى ىستەر مينيسترلىگى ق ح ر ۋاكىلەتتى ورگاندارىمەن كەلىسسوزدەردى جالعاستىرۋدا»، - دەدى ق ر قارجى مينيسترلىگى مەملەكەتتىك كىرىستەر كوميتەتىنەن.