اقمولا وبلىسىندا كارانتين كۇشەيتىلىپ، كوكشەتاۋ مەن ستەپنوگور پەريمەترى جابىلدى

كوكشەتاۋ. قازاقپارات - اقمولا وبلىسىنىڭ باس سانيتاريالىق دارىگەرىنىڭ وبلىس اۋماعىندا كارانتيندىك شەكتەۋ شارالارىن كۇشەيتۋ تۋرالى كەزەكتى قاۋلىسى شىقتى، دەپ حابارلايدى قازاقپارات ءتىلشىسى.

جاڭا قاۋلى قالىپتاسقان ەپيدەميولوگيالىق جاعدايعا بايلانىستى ۇزارتۋ جانە جەڭىلدەتۋ ىقتيمالدىعىمەن 2020 -جىلعى 28 - قاراشا كۇنى ساعات 00:00-دەن باستاپ كۇشىنە ەنەدى.

وعان سايكەس:

• جەكە قورعانىش قۇرالدارىن (ءبىر رەت جانە بىرنەشە رەت قولدانىلاتىن بەتپەردەلەردى) قولدانۋ جانە كادەگە جاراتۋ الگوريتمىن، كەمىندە 2 مەتر الەۋمەتتىك قاشىقتىقتى ساقتاۋ قاجەت؛

• كوكشەتاۋ قالاسى (كراسنىي يار اۋىلى، چايكينو، ستانتسيوننىي كەنتتەرىنىڭ)، ستەپنوگورسك قالاسىنىڭ اۋماعى بويىنشا ءجۇرىپ- تۇرۋدى ساعات 21:00-دەن ساعات 06:00-گە دەيىن شەكتەلەدى. اقمولا وبلىسىنىڭ قالعان ەلدى مەكەندەرىندەى ءجۇرىپ- تۇرۋ ساعات 23:00-دەن ساعات 06:00-گە دەيىن شەكتەلەدى؛

• وتباسىلىق، ەستەلىك ءىس- شارالاردى (بانكەت، ۇيلەنۋ توي، مەرەيتوي، دۇعا) جانە كوپشىلىك جينالاتىن وزگە دە ءىس- شارالاردى، ونىڭ ىشىندە ۇيدە وتكىزۋگە تىيىم سالىنادى؛

• وبلىس تۇرعىندارىنىڭ قوعامدىق تاماقتانۋ وبەكتىلەرىندە (وتباسىلىق، ەستەلىك ءىس- شارالار (بانكەت، ۇيلەنۋ توي، مەرەيتوي، دۇعا)، سونداي- اق ۇيدە ۇيىمداستىرىلعان كوپشىلىك جينالاتىن ءىس- شارالارعا بارۋىنا تىيىم سالىنادى؛

• ازىق- تۇلىك، ءبىرىنشى كەزەكتە قاجەتتى تاۋارلار، ءدارى- دارمەك جانە مەديتسينا بۇيىمدارىن ساتىپ الۋعا، شۇعىل جاعداي بويىنشا مەديتسينالىق مەكەمەگە بارۋدى قوسپاعاندا، 65 جاستان اسقان ادامدارعا اسا قاجەتتى سەبەپتەرسىز ۇيلەرىنەن شىقپاۋعا كەڭەس بەرىلەدى؛

• الەۋمەتتىك قاشىقتىقتى جانە جەكە قورعانىش قۇرالدارىن (ءبىر رەت جانە بىرنەشە رەت قولدانىلاتىن بەتپەردەلەردى) قولدانۋ مەن كادەگە جاراتۋدى ساقتاي وتىرىپ، ويىن- ساۋىق ورىندارسىز ساياباقتارعا، الاڭدارعا، سكۆەرلەرگە جانە وزگە دە دەمالىس ورىندارىنا توپتا 3 ادامنان ارتىق ەمەس نەمەسە ءبىر وتباسى مۇشەلەرىنە بارۋعا رۇقسات بەرىلەدى؛

• جەرلەۋ ءىس- شارالارىن جۇرگىزۋ كەزىندە كەمىندە 2 مەتر قاشىقتىقتى ساقتاي وتىرىپ، (وتباسى مۇشەلەرى) 30 ادامنان ارتىق جينالۋعا جول بەرىلمەيدى؛

• كوكشەتاۋ، ستەپنوگورسك قالالارىنىڭ كارانتيندىك ايماقتارىنا/ايماقتارىنان ازاماتتاردىڭ كىرۋىنە/شىعۋىنا تىيىم سالىنادى؛

• كوكشەتاۋ، ستەپنوگورسك قالالارىن قوسپاعاندا، وبلىس تۇرعىندارىنىڭ ءبىر اۋداننان/قالادان ەكىنشى اۋدانعا/قالاعا كەدەرگىسىز ءجۇرىپ- تۇرۋىنا رۇقسات بەرىلەدى؛

• سانيتاريالىق بەكەتتەردەن (جول پاراقتارىن، جۇمىس ناريادتارىن، جوسپار- تاپسىرمالاردى، تاۋار جۇكقۇجاتتارىن، ءىسساپار قۇجاتتارىن، مەديتسينالىق مەكەمەلەردىڭ جولدامالارىن، جەكە كۋالىكتەرىن كورسەتكەن كەزدە) مىنا تۇلعالارعا كەدەرگىسىز كىرۋگە/شىعۋعا رۇقسات ەتىلەدى:

جولاۋشىلار مەن جۇك تاسىمالداۋشىلارى؛

ۆاحتا قىزمەتكەرلەرىن تاسىمالدايتىن كولىك قۇرالدارى؛

COVID-19 تارالۋىنىڭ الدىن الۋ جونىندەگى ءىس- شارالارىنا تارتىلعان كولىك پەن ادامدار، ۇيىمدار؛

تىرشىلىكتى قامتاماسىز ەتەتىن كاسىپورىندار (ونىڭ ىشىندە جابدىقتاردى باپتاۋ بويىنشا سەرۆيستىك قىزمەت كورسەتۋدى قامتاماسىز ەتەتىن كاسىپورىندار)، كولىك پەن ادامدار، ۇيىمدار؛

«SSTOPCORONA.KZ» سايتىندا تىركەلگەن، پ ت ر ادىسىمەن COVID-19-عا تەستىلەۋدىڭ تەرىس ناتيجەسى بار، ونى العان ساتتەن باستاپ 30 تاۋلىكتەن اسپاعان انىقتاما بولعان جاعدايدا اقمولا وبلىسىندا تۇرمايتىن تاماق ونىمدەرىن وندىرۋشىلەر مەن اۋىل شارۋاشىلىعى تاۋاروندىرۋشىلەرى، كولىك پەن ادامدار؛

قۇقىق بەلگىلەيتىن قۇجاتتاردى ۇسىنعان كەزدە قالا سىرتىنداعى ۇيلەرگە (ساياجايلارعا) بارۋ ءۇشىن تۇراقتى تۇراتىن جەرىنە قايتىپ كەلەتىن ادامدار مەن وبلىس تۇرعىندارى (ءبىر وتباسى مۇشەلەرى)؛

• پ ت ر ادىسىمەن COVID-19-عا تەستىلەۋدىڭ تەرىس ناتيجەسى بار، ونى العان ساتتەن باستاپ 3 تاۋلىكتەن اسپاعان انىقتاما بولعان جاعدايدا، اقمولا وبلىسىندا تۇرمايتىن ادامداردىڭ كىرۋىنە؛

كوكشەتاۋ، ستەپنوگورسك قالالارىنىڭ پوليتسيا باسقارماسىمەن بىرلەسىپ كوكشەتاۋ، ستەپنوگورسك قالالارىنىڭ كارانتيندىك ايماعىنىڭ پەريمەترىن ۋاقىتشا بەلگىلەۋدى، سانيتاريالىق بەكەتتەردى ورناتا وتىرىپ، وعان كىرۋ/شىعۋ پۋنكتتەرىن ورناتۋ قامتاماسىز ەتىلەدى؛

• كوپشىلىك ءىس- شارالارىن (مەرەكەلىك، سپورتتىق كوپشىلىك، ويىن- ساۋىق مادەني- كوپشىلىك ءىس- شارالاردى، فورۋم، كونفەرەنتسيا، سەمينار، كورمە جانە ت. ب. وتكىزۋگە)، وتباسىلىق، ەستەلىك ءىس- شارالاردى (بانكەتتەر، ۇيلەنۋ تويلارى، مەرەيتويلار، دۇعا) جانە كوپشىلىك جينالاتىن وزگە دە ءىس- شارالاردى، ونىڭ ىشىندە ۇيدە وتكىزۋگە تىيىم سالىنادى؛

• ويىن- ساۋىق مەكەمەلەرىنىڭ (كاراوكە، بيليارد، كومپيۋتەر كلۋبتارى، تۇنگى كلۋبتار، بوۋلينگ ورتالىقتارى، جابىق ءۇي- جايلارداعى بالالاردىڭ ويىن الاڭدارى مەن اتتراكسيوندارى، باتۋتتار جانە تاعى باسقالار) ، بۋكمەكەر كەڭسەلەرىنىڭ جانە ەرەسەكتەر مەن بالالارعا ارنالعان وزگە دە ويىن- ساۋىق ورىندارىنىڭ، كاليان مەكەمەلەرىنىڭ (ونىڭ ىشىندە قوعامدىق تاماقتانۋ وبەكتىلەرىندەگى) قىزمەتىنە تىيىم سالىنادى؛

• فۋدكورت، بانكەت زالدارىنىڭ قىزمەتىنە تىيىم سالىنادى؛

• سپورتشىلاردىڭ قازاقستان رەسپۋبليكاسىنان تىس جەرلەردە وقۋ- جاتتىعۋ جيىندارى مەن جارىستارعا قاتىسۋى ءۇشىن شىعىۋنا تىيىم سالىنادى؛

• ق ر ب م س د- ءنىڭ №58 قاۋلىسىنا 3-قوسىمشاعا سايكەس الگوريتمدى ساقتاي وتىرىپ، (قاشىقتىق فورماتىندا وتكىزۋگە مۇمكىندىك بولماعان جاعدايدا) بەتپە- بەت جينالىستار (وتىرىستار) وتكىزۋگە رۇقسات بەرىلەدى؛

• ءدىني وبەكتىلەردىڭ (مەشىت، شىركەۋ، سوبور، سيناگوگا جانە ت. ب. ) قىزمەتى توقتاتىلادى؛

• مادەنيەت وبەكتىلەرىنىڭ (جەكە، توپپەن رەپەتيتسيا)، كىتاپحانالار، ءمۇراجايلاردىڭ قىزمەتى توقتاتىلادى؛

• تەاتر، كينوتەاتر قىزمەتىنە تىيىم سالىنادى؛

• تۇراقتى ەمەس قالا ماڭىنداعى جولاۋشىلار پوەزدارىنىڭ/ەلەكترپوەزداردىڭ جۇرۋىنە توقتاتا تۇرۋ، ورتاق ۆاگونداردى، قالاارالىق، وبلىسارالىق، وبلىسىشىلىك اۆتوبۋس، ميكرواۆتوبۋس تاسىمالدارى قالىپتاستىرىلادى؛

• بەكىتىلگەن كەستە بويىنشا سانيتاريالىق كۇن وتكىزە وتىرىپ، كوكشەتاۋ قالاسىنداعى ازىق- تۇلىك دۇكەندەرى، شاعىن ماركەتتەر، سۋپەرماركەتتەر، گيپەرماركەتتەر جۇمىس رەجيمى ساعات 07:00-دەن 20:30-عا دەيىن، اقمولا وبلىسىنىڭ باسقا ەلدى مەكەندەرىندە ساعات 07:00-دەن 22:00-گە دەيىن شەكتەلەدى؛

• (ەلدى مەكەننەن تىس) كولىككە جانارماي قۇيۋ ستانتسيالارىندا ورنالاسقان ازىق- تۇلىك دۇكەندەرىنىڭ جۇمىس رەجيمىن ساعات 07:00-دەن 23:00-گە دەيىن، تاماقتى تەك سىرتقا شىعارۋعا ساعات 23.00-دەن 06.00-گە دەيىن شەكتەلەدى؛

• كوكشەتاۋ، ستەپنوگورسك قالالارى بويىنشا تاكسي قىزمەتىن كورسەتۋ ساعات 21:00-دەن 06.00-گە دەيىن شەكتەلەدى (وتباسى مۇشەلەرىن قوسپاعاندا، 2 ادامنان ارتىق ەمەس)؛

• كەلۋشىلەردىڭ سانىن % 30- دان اسىرماي جانە ءبىر كەلۋشىگە كەمىندە 4 ش. م. ساقتالعان، الاڭى 500 ش. م- دەن. ارتىق ازىق- تۇلىك ەمەس دۇكەندەردىڭ (جەكە تۇرعان) قىزمەتى جۇمىس كۇندەرى ساعات 09.00-دەن 20.30-عا دەيىن شەكتەلەدى. اقمولا وبلىسىنىڭ قالعان ەلدى مەكەندەرىندە قۇرىلىس ماتەريالدارى مەن قوسالقى بولشەكتەردى (جۇمىس ۋاقىتى ساعات 10.00-دەن 17.00-گە دەيىن جانە كەلۋشىلەردىڭ سانىن % 30- دان اسىرماي جانە ءبىر كەلۋشىگە كەمىندە 4 ش. م. ساقتالعان) ساتاتىن دۇكەندەردى، ونىڭ ىشىندەگى ازىق- تۇلىك سۋپەرماركەتتەرى مەن ءدارىحانالارىن قوسپاعاندا، جەكسەنبى جانە مەرەكە كۇندەرى قىزمەتى توقتاتىلادى.

اۆتور: اسلان وسپانوۆ