ش ق و- دا ماس كۇيدە رۋلگە وتىرعان ادام ءومىر بويى كولىك جۇرگىزۋ قۇقىعىنان ايىرىلدى

وسكەمەن. قازاقپارات - شىعىس قازاقستان وبلىسىندا ماس كۇيدە رۋلگە وتىرعان ەر ادام ءومىر بويى كولىك جۇرگىزۋ قۇقىعىنان ايىرىلدى، دەپ حابارلايدى قازاقپارات ءتىلشىسى.

ش ق و پوليتسيا دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، وسىعان دەيىن 3 جىل مەرزىمگە كولىك قۇرالىن باسقارۋ قۇقىعىنان ايىرىلعان 35 جاستاعى ازامات ىشىمدىك ءىشىپ الىپ «Mazda 626» اۆتوكولىگىن تىزگىندەگەن. وسكەمەندەگى ۆىسوكوۆولتنايا كوشەسىندە كەلە جاتقان ول ءرۋلدى باسقارا الماي قارسى جولاققا شىعىپ كەتىپ، «ВАЗ 2106» كولىگىمەن سوقتىعىسقان. ءتارتىپ ساقشىلارى اتالعان جۇرگىزۋشىگە قاتىستى ق ر قىلمىستىق كودەكسىنىڭ 346-بابى، 2-بولىگىمەن سوتقا دەيىنگى تەرگەۋ امالدارىن جۇرگىزدى.

«وسكەمەن قالالىق №2 سوتىنىڭ ۇكىمىمەن «Mazda 626» اۆتوكولىگىنىڭ جۇرگىزۋشىسى 3 جىلعا تۇرمەگە قامالدى. سونىمەن قاتار ول ءومىر بويى كولىك جۇرگىزۋ قۇقىعىنان ايىرىلدى. ۇكىم تولىقتاي زاڭدى كۇشىنە ەنگەن»، - دەدى ش ق و پ د باستىعى ساعات ماديەۆ.

اۆتور: تالعاتجان مۇحامەتبەك ۇلى