ەلباسىنىڭ نەگىزگى جەتىستىكتەرى تۋرالى ايتىلدى
«الدا كەلە جاتقان ق ر تۇڭعىش پرەزيدەنتى كۇنى مەرەكەسىمەن قۇتتىقتايمىن. بۇل مەيرام - ءجاي مەرەكە ەمەس. ەڭ الدىمەن، ەلدىگىمىز بەن مەملەكەتتىگىمىزدىڭ ادمي سيمۆولى، 30 جىلدىق تۇراقتىلىق پەن بەيبىتشىلىكتىڭ بىرەگەي كەپىلىنە اينالعان ايشىقتى كۇنى. ويتكەنى تاۋەلسىزدىگىمىزدىڭ نەگىزىن قالاپ، ەگەمەندىگىمىزدى بەكىتكەن ەلمىزدىڭ تۇڭعىش پرەزيدەنتى - ەلباسى نۇرسۇلتان ءابىش ۇلىنىڭ تاريحي تۇلعاسى مەن ساياسي قايراتكەرلىگى قاشان دا زور قۇرمەتكە يە»، - دەدى ا. بالايەۆا اتالعان جيىندا.
«سوندىقتان بۇل مەرەكە ەلباسىنا دەگەن حالىقتىڭ جوعارى ءىلتيپاتىن، ەلدىڭ ىستىق ىقىلاسىنىڭ كورىنىسى دەپ بىلەمىن. راسىندا دا قازاق دەگەن ۇلتتى الەمگە تانىتىپ، قازاقستان دەگەن ەلدى دۇنيە تورىنە وزدىرعان ەلباسىنىڭ وسى پاراساتتى ەڭبەگى، ساليقالى ساياساتى. سودان بولار، بۇل مەرەكە ءبىر تۇلعا ەمەس، تۇتاس ۇلتتىڭ، تاۋەلسىز جۇرتتىڭ ورتاق قۋانىشى دەپ نىق سەنىممەن ايتا الامىز»، - دەدى مينيستر.
اۆتور: رۋسلان عابباسوۆ