سالىق زيمانوۆتىڭ ءومىرى تۋرالى دەرەكتى فيلم تۇسىرىلەدى
بۇل تۋرالى سەنات دەپۋتاتتارىنىڭ رەسمي ساۋالىنا ق ر پرەمەر-ءمينيسترى اسقار ماميننىڭ بەرگەن جاۋابىندا ايتىلعان، دەپ حابارلايدى قازاقپارات ءتىلشىسى.
«2019-2021 -جىلدارعا ارنالعان مەرەيتويلىق جانە ەستەلىك كۇندەردىڭ تىزبەسىنە سايكەس اتىراۋ وبلىسى اكىمدىگىنىڭ قولداۋحاتى نەگىزىندە مادەنيەت جانە سپورت مينيسترلىگىمەن 2021 -جىلى س. زيمانوۆتىڭ 100 جىلدىعىن مەرەكەلەۋ بويىنشا تولىقتىرۋ ەنگىزىلەدى. 2021 -جىلى نۇر-سۇلتان، الماتى، قاراعاندى، قوستاناي، ورال قالالارىنىڭ ج و و حالىقارالىق جانە رەسپۋبليكالىق ماڭىزى بار عىلىمي كونفەرەنسيالاردى، ونىڭ ىشىندە ح. دوسمۇحامەدوۆ اتىنداعى اتىراۋ ۋنيۆەرسيتەتى 2021 -جىلدىڭ اقپان ايىندا جاس عالىمدار مەن ستۋدەنتتەردىڭ حالىقارالىق عىلىمي كونفەرەنسياسىن وتكىزۋدى، اتىراۋ وبلىسىنىڭ اكىمدىگى مەملەكەتتىك اقپاراتتىق تاپسىرىس اياسىندا س. ز. زيمانوۆتىڭ ءومىرى تۋرالى دەرەكتى فيلم ءتۇسىرۋدى جوسپارلاپ وتىر»، - دەدى اسقار مامين.
ەستەرىڭىزگە سالا كەتسەك، اكادەميك سالىق زيمانوۆتىڭ تۋعانىنا كەلەسى جىلى 100 جىل تولادى. الايدا، وسى ءبىر ايتۋلى داتا ۇكىمەتتىڭ الداعى جىلى اتاپ وتەتىن مەرەيتويلار تىزبەسىنەن تىس قالعان. وسىعان وراي تاياۋدا سەناتتىڭ جالپى وتىرىسىندا مۇحتار قۇل-مۇحاممەد باستاعان ءبىر توپ سەناتور پرەمەر-ءمينيستردىڭ اتىنا دەپۋتاتتىق ساۋال جولداعان ەدى.