تۋريستەر ساياحاتقا شىققاندا قاي تىلدە سويلەيدى
كومپانيا ماماندارى 2480 قولدانۋشىعا ساۋالناما جۇرگىزىپ، ولاردىڭ ۇشتەن بىرىنەن استامى (34 پايىزى) انا تىلىنەن باسقا تىلدە سويلەمەيتىندىگىن انىقتادى. وسىنشا ادام تەك ءبىر شەت تىلىندە، ال ەكى شەت تىلىندە رەسپوندەنتتەردىڭ 19 پايىزى سويلەيدى. ءاربىر ونىنشى ادام ءۇش ءتىلدى مەڭگەرگەن. تەك 1 پايىزى عانا پوليگلوت بولىپ شىقتى، ولار ءتورت-بەس تىلدە ەركىن سويلەي الادى.
ساياحاتشىلار قانشالىقتى جاس بولسا، سوعۇرلىم كەم دەگەندە ءبىر شەت تىلىندە سويلەي الادى. 19 بەن 25 جاس ارالىعىنداعى رەسپوندەنتتەردىڭ اراسىندا تەك تورتتەن ءبىرى عانا، 40 جاستان اسقانداردا 52 پايىزى شەت تىلىندە سويلەمەيتىندەر بولىپ شىقتى.
قولدانۋشىلار اعىلشىن ءتىلىن جاقسى بىلەدى (84 پايىزى). ءار جيىرماسىنشى ادام نەمىس تىلىندە، ال 4 پايىزى يسپان تىلىندە سويلەي الادى. ساياحاتشىلاردىڭ 3 پايىزى يتاليان جانە فرانسۋز تىلدەرىن بىلەدى ەكەن.
رەسپوندەنتتەردىڭ كوپشىلىگى وزدەرىنىڭ بىلىمىنە كۇمان كەلتىرەدى: 44 پايىزى وقۋىن جالعاستىرۋ كەرەك ەكەنىن مويىندادى، تاعى 40 پايىزى ولاردىڭ دەڭگەيى ورتاشا جانە ولارعا ءالى دە ۇيرەنۋ كەرەكتىگىن ايتتى. تۋريستەردىڭ تەك 16 پايىزى عانا شەت تىلىندە تاماشا سويلەيتىن بولىپ شىقتى. ادەتتە ورىستار جەرگىلىكتى تۇرعىندارمەن اعىلشىن تىلىندە سويلەسەدى، 39 پايىزى بۇل جاۋاپتى تاڭدادى. ساۋالناماعا قاتىسقانداردىڭ تورتتەن ءبىرى سۋردواۋدارمانى قولدانعانىن مويىندادى، ال 12 پايىزى ەكسكۋرسيادا گيدتىڭ نەمەسە اۋدارماشىنىڭ قىزمەتىن پايدالانادى. ءۇش پايىز - جاۋاپتىڭ باسقا نۇسقالارى كورسەتىلگەن، مىسالى، بىرەۋ قوناق ءۇيدىڭ نەمەسە ءدامحانانىڭ ورىس ءتىلدى قىزمەتكەرلەرىن ىزدەيدى ەكەن. ءاربىر بەسىنشى رەسپوندەنت بارعان ەلدىڭ تىلىندە سويلەۋگە تىرىسادى دەپ جاۋاپ بەرىلدى.
ساۋالناماعا قاتىسقانداردىڭ جارتىسىنان كوبى (56 پايىزى) ساياحات كەزىندە ونلاين- اۋدارماشىلاردى نەمەسە ءتىلاشارلاردى قولدانادى.