شىمكەنتتە ءۇش جىگىت جول ەرەجەسىن ورەسكەل بۇزىپ، ونى ۆيدەوعا ءتۇسىرىپ جەلىدە جاريالاعان

شىمكەنت. قازاقپارات - شىمكەنت پوليتسەيلەرى الەۋمەتتىك جەلىلەرگە مونيتورينگ جۇرگىزۋ بارىسىندا جول ەرەجەسىن بۇزۋ جايتى تۇسىرىلگەن ۆيدەونى انىقتادى، دەپ حابارلايدى قازاقپارات.

پاترۋلدىك پوليتسيا پولكىنىڭ قىزمەتكەرلەرى بارلىق قۇقىق بۇزۋشىلاردى ۇستاپ، اكىمشىلىك جاۋاپكەرشىلىككە تارتتى.

«Toyota Land Cruiser 200» اۆتوكولىگىنىڭ 25 جاستاعى جۇرگىزۋشىسىنە قاتىستى ق ر ا ق ب ت ك 603-بابىنىڭ 1-بولىگىمەن (15 ا ە ك ايىپپۇل) جانە ق ر ا ق ب ت ك 590-بابىنىڭ 1-بولىگىمەن (5 ا ە ك ايىپپۇل) حاتتاما تولتىرىلدى، ال «Mersedes benz s400» اۆتوكولىگىنىڭ 24 جاستاعى جۇرگىزۋشىسى ق ر ا ق ب ت ك 590-بابىنىڭ 1-بولىگى (5 ا ە ك ايىپپۇل) بويىنشا جاۋاپكەرشىلىككە تارتىلدى.

سونداي-اق، «Toyota Land Cruiser 200» اۆتوكولىگىنىڭ 24 جاستاعى جۇرگىزۋشىسىنە قاتىستى ق ر ا ق ب ت ك 590-بابىنىڭ 1-بولىگى (5 ا ە ك ايىپپۇل)، ق ر ا ق ب ت ك 595-بابىنىڭ 1-بولىگى (5 اەك ايىپپۇل) جانە ق ر ا ق ب ت ك 603-بابىنىڭ 2-بولىگى (ايىپپۇل 25 ا ە ك) بويىنشا حاتتاما تولتىرىلدى. ولار ءوز كىناسىن مويىنداپ، جۇرگىزۋشىلەردى مۇنداي قاتەلىك جاساماۋعا شاقىردى. جەرگىلىكتى پوليتسيا قىزمەتى باسقارماسىنىڭ پاترۋل پوليتسيا پولكى بارلىق ازاماتتاردان جول قوزعالىسى ەرەجەلەرىن ساقتاۋدى سۇرايدى.

اۆتور: اياۋلىم التىنبەك