عالىمدار كارىلىكتىڭ الدىن الاتىن جاڭا ءادىس تاپتى
زەرتتەۋ ناتيجەلەرى phys.org پورتالىندا جاريالاندى. ديەتالىق شەكتەۋلەر كوپتەگەن جانۋاردىڭ ءومىرىن ۇزارتاتىنى جانە ادامنىڭ دەنساۋلىعىن جاقسارتاتىنى بەلگىلى. سونىمەن قاتار كەيبىر تاعامدىق كومپونەنتتەردى، اسىرەسە كەيبىر اقۋىزدار مەن امينقىشقىلداردى پايدالانۋدى ازايتۋ اعزانىڭ رەاكتسياسى ءۇشىن كالوريانىڭ تومەندەۋىنەن گورى ماڭىزدى. بۇل اسەردىڭ نەگىزىندەگى مولەكۋلالىق مەحانيزمدەر ءالى كۇنگە دەيىن تۇسىنىكسىز، سول ءۇشىن ساراپشىلار شىبىندارعا سىناقتار جۇرگىزدى.
«ءبىزدىڭ شىبىندارعا جاساعان زەرتتەۋ ناتيجەلەرىمىز سەستريننىڭ قارتايۋعا قارسى جاڭا الەۋەتتى فاكتور ەكەنىن كورسەتتى»، - دەدى زەرتتەۋ توبىنىڭ جەتەكشىسى ليندا پارتريدج.
ونىڭ ايتۋى بويىنشا، عالىمدار سەسترين اقۋىزىنىڭ كەيبىر امينقىشقىلدارىن بايلانىستىراتىنىن جانە بۇل بايلانىس باسىلعان كەزدە شىبىنداردىڭ ۇزاق ءومىر سۇرەتىندىگىن انىقتادى. ال امينقىشقىلدارىن بايلانىستىرا المايتىن مۋتاتسيالانعان سەسترين شىبىنداردىڭ قارتايۋىن تەجەگەن. زەرتتەۋشىلەر سەسترين اقۋىزى ادامداردىڭ قارتايۋىنا دا وسىلاي اسەر ەتۋى مۇمكىن دەپ بولجاپ وتىر.
www.24.kz