ۇلتتىق بانك تەڭگەنىڭ نىعايۋىن ءتۇسىندىردى
ۇلتتىق بانكتىڭ مونەتارلىق وپەراتسيالار دەپارتامەنتىنىڭ ديرەكتورى نۇرجان تۇرسىنحانوۆ ۆاليۋتا نارىعىنداعى احۋالعا تۇسىنىك بەردى، دەپ حابارلايدى قازاقپارات.
«25 -قاراشادا دوللار تەڭگەگە قاتىستى بيرجادا ورتا ەسەپپەن 422,90 دەڭگەيىندە ساۋدالانىپ جاتىر. اپتانىڭ باسىنان بەرى ۇلتتىق ۆاليۋتانىڭ باعامى 5 تەڭگەدەن استامعا نەمەسە %1,2 نىعايدى. تەڭگەنىڭ وڭ سەرپىنى قولايلى سىرتقى كونيۋنكتۋرا، سونداي- اق ەكسپورتتاۋشىلاردىڭ سالىق تولەمدەرىن جاساۋ ءۇشىن شەتەل ۆاليۋتاسىن ساتۋى اياسىندا قالىپتاسۋدا. اپتانىڭ باسىنان باستاپ سىرتقى جاعدايلار جاھاندىق تاۋەكەل- سەنتيمەنتىنىڭ جاقسارۋىمەن سيپاتتالادى. ينۆەستورلار كوروناۆيرۋسقا قارسى ازىرلەنىپ جاتقان ۆاكتسينالاردىڭ تيىمدىلىگى تۋرالى حابارلامالاردى وڭ باعالاۋدا. بۇل، ەكونوميكالىق بەلسەندىلىكتىڭ تەز قالىپقا كەلۋ ىقتيمالدىعىن ارتتىرادى. ونىمەن قوسا، دونالد ترامپ اكىمشىلىگىنەن سايلانعان پرەزيدەنت دجو بايدەنگە بيلىكتى فورمالدى بەرۋ پروتسەسىنىڭ باستالۋى دا تاۋەكەل دارەجەسىن ۇستاپ تۇر. سونىمەن بىرگە نارىقتار ف ر ج- ءنىڭ بۇرىنعى باسشىسى د. يەللەندى ا ق ش قارجى ءمينيسترى لاۋازىمىنا تاعايىنداۋ پەرسپەكتيۆالارىنا وڭ ىقپال ەتۋدە، بۇل قارجىلىق ىنتالاندىرۋعا بايلانىستى بولىپ وتىر» ، - دەدى ۇلتتىق بانك وكىلى.
ونىڭ ايتۋىنشا، جەدەل ۆاكتسيناتسيا جانە وتىنعا دەگەن سۇرانىستىڭ جەدەل قالپىنا كەلۋى - مۇناي باعاسىنىڭ وسۋىنە ىقپال ەتۋدە.
«Brent ەتالوندىق سۇرىپتى مۇنايدىڭ الەمدىك باعاسى بىرنەشە كۇن قاتارىنان ءوسىپ كەلەدى جانە ازيا نارىقتارىنداعى بۇگىنگى ساۋدا- ساتتىق بارىسىندا ناۋرىزدىڭ باسىنان باستاپ العاش رەت ءبىر باررەل ءۇشىن 48 دوللار بەلگىسىنەن استى. وسىعان وراي، نورۆەگيا كرونى مەن كانادا دوللارى سياقتى شيكىزات ەلدەرىنىڭ ۆاليۋتالارى اپتانىڭ باسىنان باستاپ %1,3 جانە تيىسىنشە %0,6 نىعايدى. EIA ەنەرگەتيكالىق اگەنتتىگىنىڭ مالىمەتتەرى بويىنشا، جۋىق ارادا سۇرانىسقا قايتا يە بولا باستايتىنى الدىن الا بولجانعانىنا قاراماستان، ا ق ش- تاعى مۇناي قورى ارتىپ كەلەدى. ماسەلەن، وسى ايدىڭ باسىنان 13-قاراشاعا دەيىن ا ق ش- تا شيكى مۇناي قورى باررەلىنە 484,4 ميلليوننان 489,5 ميلليونعا دەيىن ءوستى. سىرتقى پوزيتيۆتىڭ اسەرىنەن بولەك، وسى اپتا - سالىق اپتاسى بوپ قالادى، بۇنىڭ ءوزى نارىقتا ۆاليۋتانىڭ ۇسىنىسىن ەداۋىر كۇشەيتە ءتۇستى. مىسالى، دۇيسەنبى، 23 -قاراشا كۇنى بيرجاداعى ساۋدا كولەمى 170 ميلليون دوللارعا جەتتى. بۇل - وسى قاراشادا بيرجادا تىركەلگەن كۇندىزگى ورتا كولەمنەن 1,5 ەسە كوپ دەگەندى كورسەتەدى»، - دەدى ن. تۇرسىنحانوۆ.
ونىڭ سوزىنشە، دامۋشى ەلدەردەگى ۆاليۋتالار سىرتقى نارىقتاعى جاعدايلارعا، مەيىلىنشە، جاقسى اسەر ەتىپ وتىر.
«اپتا باسىندا وڭتۇستىك افريكالىق راند %1,3 بەكىسە، رەسەي ءرۋبلى %1، مەكسيكا پەسوسى %0,3 نىعايا ءتۇستى. بۇل جەردە ءرۋبلدىڭ ءوزى ەكسپورتەرلەردىڭ تاراپىنان تۇسكەن سالىق ەسەبىنەن نىعايىپ وتىر. ال، تەڭگە سىرتقى جانە ىشكى فاكتورلاردىڭ جايلىلىعىنان، ودان قالدى، تاۋەكەل- سەنتيمەنت پەن نارىقتاعى ەنەرگوتاسىمالداۋشىلاردىڭ پوزيتيۆتى جاڭالىقتارىنىڭ جانە جەر قويناۋىن پايدالانۋشىلار تاراپىنان تۇسكەن كولەمدى سالىقتاردىڭ ارقاسىندا بەكىپ تۇر. بۇل جەردە مۇناي باعاسىنىڭ كوتەرىلۋى - ونى تۇتىنۋ دەڭگەيىن دەر كەزىندە قالپىنا كەلتىرۋگە سەبەپشى بولىپ جاتاتىنىن ايتا كەتۋ كەرەك. دەگەنمەن ا ق ش- تاعى مۇناي قورىنىڭ ەسەبى كورسەتىپ كەلگەندەي، تۇتىنۋ كولەمى بولجالدى دەڭگەيگە كوتەرىلە الماي وتىر. سول سەبەپتى، شىنايى تۇتىنىمنىڭ شاماسىنا قاراي كومىرسۋتەك باعاسىنا دا وزگەرىستەر ەنىپ تۇرۋى مۇمكىن»، - دەپ تۇيىندەدى ۇلتتىق بانكتىڭ مونەتارلىق وپەراتسيالار دەپارتامەنتىنىڭ ديرەكتورى نۇرجان تۇرسىنحانوۆ.