پارتيالاردىڭ بارلىعى ناقتى ۇسىنىس بەرىپ، ەلگە جاقسىلىق جاساسا دەيمىز - نۇرسۇلتان نازاربايەۆ
«تاۋەلسىز قازاقستاننىڭ ىرگەتاسىن قالاعان، ونى 30 جىل باسقارعان ادام رەتىندە ايتارىم، مەن ءۇشىن ەلىمىزدىڭ ەڭسەلى ەرتەڭىنەن ارتىق ارمان دا، قۇندىلىق تا جوق. وسىناۋ كۇردەلى كەزەڭدە مەملەكەتتىڭ تاۋەلسىزدىگىن، تۇتاستىعىن ساقتاۋ، بارشا حالقىمىزدى پرەزيدەنت توڭىرەگىنە توپتاۋ - ءبارىمىزدىڭ پارىزىمىز، مەنىڭ پارىزىم، ەلباسى رەتىندەگى ميسسيام. «Nur Otan» پارتياسىنىڭ، قازاقستان حالقى اسسامبلەياسىنىڭ، دۇنيەجۇزىلىك قازاقتار قاۋىمداستىعىنىڭ جانە قاۋىپسىزدىك كەڭەسىنىڭ ءتوراعاسى رەتىندە مەن وسى جولدا بارىمدى سالامىن»، - دەدى نۇرسۇلتان نازاربايەۆ.
ەلباسى «Nur Otan» پارتياسىنىڭ كەزىندە ەلدى بىرىكتىرۋ، حالىق پەن بيلىك اراسىنا دانەكەر بولۋ ءۇشىن قۇرىلعانىن ايتتى.
«بۇگىندە «Nur Otan» ءوز ۋادەسىندە تۇرا الاتىن، ەلدەگى مىقتى كوشباسشىلاردى توپتاستىرعان ساياسي ۇيىم ەكەنىن ءبارى كورىپ وتىر. باسقا پارتيالار دا بولادى، قازىر دە بار. وعان ەشكىمنىڭ قارسىلىعى جوق. قوعام سولاي، ۋاقىت سولاي. ءبىراق سول پارتيالاردىڭ بارلىعى ناقتى ۇسىنىس بەرىپ، ەلگە جاقسىلىق جاساسا ەكەن دەيمىز. تەك سىناپ، كوشەگە شىعىپ ايقايلاعاننان نە شىعادى؟ قانشا ايقايلاسا دا، كوشەگە شىقسا دا كوپبالالى انالار، جاعدايى جوق كىسىلەر تۇبىندە كىمگە كەلەدى؟ ۇكىمەتكە كەلەدى. ءبارىن شەشەتىن مەملەكەت، ۇكىمەت. سوندىقتان داۋ- دامايعا سالماي، ايقاي- شۋسىز پارتياعا كىرىپ، ودان سوڭ دەپۋتاتتىققا ءوتىپ، سول جەردە ماسەلەسىن كوتەرىپ، شەشۋ كەرەك. وسى جولمەن جۇرەيىك»، - دەدى ق ر تۇڭعىش پرەزيدەنتى.
اۆتور: مارلان جيەمباي