حالقىمىز ەندىگى نە ىستەسە دە «جولداسى سابىر مەن اقىل» عانا بولۋى كەرەك - ەلباسى

None
None
نۇر- سۇلتان. قازاقپارات - حالقىمىز ەندىگى نە ىستەسە دە «جولداسى سابىر مەن اقىل» عانا بولۋى كەرەك. بۇل تۋرالى بۇگىن «نۇر وتان» پارتياسىنىڭ كەزەكتەن تىس ⅩⅩ سيەزىن قورىتىندىلاعان ق ر تۇڭعىش پرەزيدەنتى - ەلباسى نۇرسۇلتان نازاربايەۆ ايتتى، دەپ حابارلايدى قازاقپارات ءتىلشىسى.

«پرەزيدەنت قاسىم- جومارت كەمەل ۇلى توقايەۆ سايلاۋالدى باعدارلامانىڭ نەگىزگى باعىتتارىنا توقتالدى. ءبىز ونى تولىق جۇزەگە اسىرۋىمىز كەرەك. باعدارلامانى ورىنداۋ ارقىلى قيىندىقتاردى ەڭسەرىپ قانا قويماي، حالىقتىڭ ءومىر ءسۇرۋ ساپاسىن ارتتىرىپ، ەلىمىزدىڭ تابىستى دامۋىن قامتاماسىز ەتۋگە جول اشۋىمىز قاجەت. كەلەر جىلى ۇلان- بايتاق دالامىزدا تاۋەلسىز مەملەكەت قۇرعانىمىزعا 30 جىل تولادى. بۇل - وتە قاسيەتتى كەزەڭ. اتا- بابامىزدىڭ قانىمەن، انالارىمىزدىڭ تەرىمەن كەلگەن. سوندىقتان قولىمىزعا تۇسكەن وسى تەڭدەسى جوق التىندى الىپ ءجۇرۋ ءبىزدىڭ موينىمىزعا جۇكتەلگەن پارىز»، - دەدى ەلباسى.

ق ر تۇڭعىش پرەزيدەنتى وتكەن عاسىردا حالقىمىز توعىز ءتۇرلى الاپاتتى باستان كەشىرگەنىن اتاپ ءوتتى. ەكىنشى دۇنيەجۇزىلىك سوعىس، 2 زۇلمات اشارشىلىق، ۇلت- ازاتتىق قوزعالىستار، قۋعىن- سۇرگىن جىلدارىندا 4 ميلليون ادام قىرشىن كەتىپ، 1,5 ميلليون قازاق بوسقىنعا اينالىپ، شەت مەملەكەتتەرگە باس ساۋعالاعانىن باسا ايتتى.

«بۇل ۇلتىمىز ءۇشىن اۋىر قاسىرەت. قاي حالىق وسىنداي قاسىرەتتى باسىنان كەشىرگەن ەكەن. سوعان قاراماستان حالقىمىز اتا- بابامىز قالدىرعان جەرىندە ءوزىنىڭ مەملەكەتىن قۇرىپ وتىر. ەلورداسىن ەلدىڭ ورتاسىنا اكەپ ورناتتىق. دۇنيەگە ەلىمىزدى پاش ەتتىك. «تاعدىردىڭ تەزىنەن، توزاقتىڭ وزىنەن» ءوتىپ، «مىڭ ءولىپ مىڭ تىرىلگەن»، تاۋەلسىزدىكتىڭ ءتاتتى ءدامىن سەزىنگەن حالقىمىزدىڭ ەندىگى نە ىستەسە دە «جولداسى سابىر مەن اقىل» عانا بولۋى كەرەك»، - دەدى نۇرسۇلتان نازاربايەۆ.

اۆتور: مارلان جيەمباي

سوڭعى جاڭالىقتار