الاش يدەياسىنان ارتىق يدەيا مەن ۇستانىم جوق - ازات پەرۋاشەۆ
«بۇگىن «الاش» قوزعالىسىنىڭ رۋحاني كوسەمدەرىنىڭ ءبىرى ءمىرجاقىپ دۋلات ۇلىنىڭ تۋعانىنا 135 -جىل تولۋىنا بايلانىستى كونفەرەنتسيا وتكىزىپ وتىرمىز. 2020 -جىل ەلەۋلى ءارى ماڭىزدى شارالارعا تولى بولدى، بيىل قازاق رەسپۋبليكاسىنىڭ قۇرىلعانىنا 100 -جىل تولدى»، - دەپ توقتالدى «اق جول» پارتياسىنىڭ ءتوراعاسى ازات پەرۋاشەۆ.
وسى ورايدا ول ءمىرجاقىپ دۋلات ۇلى «الاش» قوزعالىسىندا ەرەكشە ءرول ويناعانىن ەسكە سالىپ، ونىڭ ەڭبەكتەرىنە توقتالدى.
«1909 -جىلى جارىق كورگەن «ويان، قازاق!» كىتابى قازاقتىڭ ۇلت- ازاتتىق قوزعالىسىنىڭ مانيفەسىنە اينالعان قۇجات بولعان. «اق جول» پارتياسى الاش ۇستانىمدارى مەن ۇلتتىق يدەياسىنا ەرەكشە نازار اۋدارىپ كەلەدى. جاقىندا عانا پارتيامىزدىڭ قۇرىلتايىندا قابىلداعان ساياسي باعدارلاماسىندا دا ءبىز تاۋەلسىزدىك پەن «الاش» ۇلتتىق يدەياسىنا، ياعني وسى ەكى ۇعىمعا ەرەكشە باپ ارنادىق. ءبىزدىڭ ويىمىزشا، قازاق ەلى ءۇشىن الاش يدەياسىنان ارتىق يدەيا مەن ۇستانىم جوق. الاش كوسەمدەرى، ونىڭ ىشىندە ءمىرجاقىپ دۋلات ۇلى سياقتى ازاماتتاردىڭ تاريحي رولىنە، ولاردىڭ ەڭبەكتەرىنە ارنالعان زەرتتەۋلەر، عىلىمي- تاجىريبەلىك كونفەرەنتسيالاردى وتكىزىپ جاتىرمىز. بۇگىنگى كونفەرەنتسيادا بەلگىلى الاشتانۋشىلار، عالىمدار مەن تاريحشىلار باس قوسىپ وتىر»، - دەدى ا. پەرۋاشەۆ.
اۆتور: رۋسلان عابباس