مەملەكەت باسشىسى: انا ءتىلىمىزدى ارداقتاماساق، ەلدىگىمىزگە سىن
بۇل تۋرالى «Nur Otan» پارتياسىنىڭ كەزەكتەن تىس XX سەزىندە ق ر پرەزيدەنتى قاسىم-جومارت توقايەۆ ايتتى، دەپ حابارلايدى قازاقپارات ءتىلشىسى.
«ءبىز «رۋحاني جاڭعىرۋ» باعدارلاماسىن بەلسەندى تۇردە جۇزەگە اسىرا بەرەمىز. بۇل اسا ماڭىزدى قۇجات ۇرپاقتىڭ ساناسىن سەرپىلتىپ، ۇلتتىڭ جاڭا بولمىسىن قالىپتاستىرۋعا ارقاۋ بولادى. مۇنان بولەك، مەملەكەتتىك ءتىلدىڭ قولدانىلۋ اياسىن ودان ارى كەڭەيتۋگە كۇش جۇمىلدىرامىز. انا ءتىلىمىزدى ارداقتاماساق، ەلدىگىمىزگە سىن»، - دەدى مەملەكەت باسشىسى.
ق ر پرەزيدەنتى كەز كەلگەن شارۋاشىلىق قىزمەتىمەن اينالىسقان جاعدايدا تابيعاتتى ساقتاۋ جانە ونى قورعاۋ مىندەتى باستى قاعيداتتىڭ بىرىنە اينالاتىندىعىن باسا ايتتى.
«جاڭا ەكولوگيالىق كودەكس جانە جاسىل ءوسىم تۇجىرىمداماسى قابىلدانادى. ءبىز پراگماتيزم قۇندىلىقتارىن - ۇنەم، قاناعات جانە ۇستامدىلىق مادەنيەتىن ورنىقتىرۋىمىز كەرەك»، - دەدى قاسىم-جومارت توقايەۆ.