ديماشقا سىي: ورىس حالىق اسپاپتارى انسامبلى «ءالقيسسا» كۇيىن ورىندادى
«بەرەزكا» ءانسامبلىنىڭ مۇشەسى سۆەتلانا زاكۋنوۆنىڭ ايتۋىنشا، «ءالقيسسانى» ديماشتىڭ جانە باسقا دا مۋزىكانتتاردىڭ ورىنداۋىندا بىرنەشە رەت تىڭداعان. سودان كەيىن سۆەتلاناعا قازاق كومپوزيتسياسىنا كاۆەر جاساۋ يدەياسى كەلدى. وعان كۇيدىڭ ەرەكشە ادەمى دىبىستالۋى قاتتى ۇنادى. سونداي-اق، سۆەتلانا بۇل كۇي ورىس حالىق اسپاپتارى بالالايكا مەن دومبىرادا دا ەرەكشە ەستىلەتىنىن ايتادى.
سۆەتلانانىڭ يدەياسىن «بەرەزكا» ماحا (مەملەكەتتىك اكادەميالىق حورەوگرافيالىق انسامبل) وركەسترىندەگى ارىپتەستەرى بىردەن قولدادى.
«ءبىز توپپەن بىرگە جينالىپ، كومپوزيتسيانى تىڭدادىق، ونى اسپاپتار اراسىندا پارتيالارعا بولدىك. ارينە، ولار بۇل پروتسەستە وزدەرىنىڭ ويلارىن ايتىپ، ۇلەس قوستى. قيىن جاتتىعۋلاردان كەيىن ءبىز قالاعان ناتيجەگە قول جەتكىزدىك، سودان كەيىن ونى جازۋدى باستادىق»، - دەيدى سۆەتلانا.
«بەرەزكا» ماحا وركەسترى 1959-جىلدىڭ باسىندا كەڭەستىك بالەتمەيستەر جانە حورەوگراف نادەجدا سەرگەيەۆنا نادەجدينانىڭ باستاماسىمەن قۇرىلعان.
بۇعان دەيىن حورەوگرافيالىق انسامبلدە تەك 4 بايانشى بولعان. قازىر وركەستر اۋقىمى كەڭەيىپ، وندا 13 مۋزىكانت جانە 2 ۆوكاليست بار. وركەستردىڭ باس ديريجەرى - رەسەيدىڭ حالىق ءارتىسى لەونيد سميرنوۆ. ال تۇراقتى كوركەمدىك جەتەكشىسى - ك س ر و حالىق ءارتىسى ميرا كولسوۆا.
سۆەتلانا زاكۋنوۆانىڭ ءوزى 2007-جىلدان باستاپ «بەرەزكا» ءانسامبلىنىڭ مۇشەسى. بۇعان دەيىن ول م. ە. پياتنيتسكي اتىنداعى مەملەكەتتىك اكادەميالىق ورىس حالىق حورىنىڭ وركەسترىندە جۇمىس ىستەدى.
كاسىبي تۇردە كىشى جانە التو دومرادا، سونداي- اق ماندوليندە وينايدى. سۆەتلانا 2 جىلدان بەرى ديماشتىڭ شىعارماشىلىعىمەن تانىس. قازاقستاندىق ءانشىنى قىتايداعى «i ’ m a Singer» بايقاۋىندا العاش رەت ەستىگەن.
ديماشتىڭ ەۋرازيالىق فان-كلۋبىنىڭ جانە Moscow Dear- لارىنىڭ مۇشەسى.