10:13, 25 - قاراشا 2020 | GMT +6
باتىس قازاقستاندا مۇز ويىلىپ، اۆتوكولىك وزەنگە ءتۇسىپ كەتتى
ورال. قازاقپارات - باتىس قازاقستان وبلىسىندا مۇز ويىلىپ، اۆتوكولىك وزەنگە ءتۇسىپ كەتتى، دەپ حابارلايدى قازاقپارات ءتىلشىسى.
ب ق و پوليتسيا دەپارتامەنتىنىڭ باسپا ءسوز قىزمەتى ءمالىم ەتكەندەي، وقيعا 22- قاراشا كۇنى بايتەرەك اۋدانىندا بولعان.
ماكاروۆ اۋىلىنىڭ تۇرعىنى مۇزدىڭ قالىڭدىعىن تەكسەرۋ ءۇشىن شاعان وزەنىنە بارىپ، «اۋدي» اۆتوكولىگىن بيىكتەۋ جەرگە قويىپ كەتكەن.
ول مۇزدى جاياۋ قاراپ جۇرگەندە، اۆتوكولىگى وزەنگە قاراي جىلجىپ كەتكەن. اۆتوكولىكتە ەشكىم بولماعان.
ال الەۋمەتتىك جەلىدە تارالعان بەينەجازباداعى ادامدار - وعان كومەكتەسۋگە كەلگەن اۋىلداستارى.
بايتەرەك اۋدانى پوليتسيا ءبولىمى ۋچاسكەلىك پوليتسيا ينسپەكتورىنىڭ كومەكشىسى، پوليتسيا اعا لەيتەنانتى س. ماشانوۆ اۆتوكولىك يەسىمەن پروفيلاكتيكالىق اڭگىمە جۇرگىزدى.
ەسكە سالا كەتەيىك، بۇدان بۇرىن ب ق و- دا الاياقتىڭ جۇمىسقا ورنالاستىرامىن دەپ 35 تۇرعىندى الداپ كەتكەنىن جازعان بولاتىنبىز.