دارىگەر كوروناۆيرۋستان قورعانۋ تۋرالى: يممۋندىق جۇيەگە سالماق تۇسىرمەۋ كەرەك
«بۇگىنگى تاڭدا كوروناۆيرۋسقا قارسى پرەپاراتتىڭ جوق ەكەنىن بارىمىزگە بەلگىلى. ءبىراق، بارىمىزگە جاقسى تانىس الدىن الۋدىڭ قاراپايىم ەرەجەلەرى مەن شارتتارى بار. بۇل كەزەڭدە سيركادتى ىرعاقتىڭ جۇمىسىن: ۋاقتىلى ۇيىقتاۋ جانە دەمالىس، كۇن ءتارتىبىن دۇرىس ساقتاۋ وتە ماڭىزدى ەكەنىن اتاپ وتكەن ءجون. ەكىنشىدەن، كۇيزەلىستى جاعدايلاردان اۋلاق ءجۇرۋ قاجەت. بارلىق دەرتتەردى دەر كەزىندە ەمدەپ، اۋرۋدىڭ الدىن الۋ. اۋىرىپ ەم ىزدەگەنشە، اۋىرماۋدىڭ جولىن ىزدەگەن ءجون. دۇرىس تاماقتانۋ ادەتىن ۇستانعان ماڭىزدى. يممۋندىق جۇيەگە سالماق تۇسىرمەۋ كەرەك. ماسەلەن، الكوگول تۇتىنۋ مەن تەمەكىنى شەكتەن تىس قولدانۋدى، ت. ب. شەكتەۋ قاجەت. تەك وسىنداي جاعدايدا عانا يممۋندىق جۇيەنى قالىپتى جاعدايدا ۇستاۋعا بولادى. پاندەميا كەزىندە بۇل ماسەلەلەر ودان دا ايقىن بولا ءتۇستى»، - دەدى دارىگەر الماتىدا وڭىرلىك كوممۋنيكاتسيالار قىزمەتىنىڭ الاڭىندا وتكەن ونلاين بريفينگ بارىسىندا.
الدىن الۋ شارالارىنا قاتىستى ە. بيتانوۆا قوعامدىق ورىنداردا الەۋمەتتىك قاشىقتى ساقتاۋدىڭ اسا ماڭىزدىلىعى مەن جۇقتىرۋدى بولدىرماۋ ءۇشىن ءبىر عيماراتتا شوعىرلانۋدان اۋلاق بولۋ قاجەتتىگىن اتاپ ءوتتى.
«اتاپ وتكەن ەرەجەلەردەن باسقا، كوروناۆيرۋستىڭ الدىن الۋدىڭ وتە قاراپايىم شارالارىن ۇستانۋ قاجەت. ءوز باسىم بۇل تالاپتاردى كەيبىر ادامدار عانا ساقتايتىنىن بايقاپ ءجۇرمىن. ادامداردىڭ ءبىر جەردە شوعىرلانۋى، اسىرەسە، قىس ماۋسىمىندا جاعدايدى ۋشىقتىرىپ جىبەرۋى مۇمكىن. ءبىز سۋىقتا دالادا كوپ جۇرە المايمىز، سوندىقتان ادامدار عيمارات ىشىنە جينالادى. سانيتار دارىگەرلەردىڭ بىزگە ايتىپ جاتقان ەرەجەلەرىن ساقتاۋ كەرەك. جانە تەك سولاي عانا ءبىز ۆاكتسينا پايدا بولعانعا دەيىن ينفەكتسيانى باسا الامىز»، - دەپ ءتۇسىندىردى ول.
سونىمەن قاتار، ول جرۆي بەلگىلەرى بولعان جاعدايدا ۇيدەن شىقپاي، دارىگەردى ۇيگە شاقىرۋ كەرەكتىگىن جەتكىزدى. ءوزىن- ءوزى ەمدەۋمەن اينالىسپاي، بالالار مەن وتباسىنىڭ قارت مۇشەلەرىن بولەك بولمەدە وقشاۋلاۋ ارقىلى قورعاۋ كەرەك.