نە سەبەپتى ۇشاقتا ساقتىق ءۇشىن پاراشيۋت بەرىلمەيدى؟

None
None
نۇر-سۇلتان. قازاقپارات - ۇشاقپەن كەم دەگەندە ءبىر رەت ۇشقان ادام «ۇشاقتا قاۋىپسىزدىك ماقساتىندا نەگە پاراشيۋت بەرىلمەيدى؟ « دەپ ءبىر رەت بولسىن ويلانعان بولۋى كەرەك.

پاراشيۋتتىڭ ۇشاقتا بەرىلمەۋىنىڭ بىرنەشە سەبەبى بار.

بىرىنشىدەن، ۇشاق كولىكپەن سالىستىرعاندا اپاتقا از ۇشىرايدى. ۇشۋ كەزىندە ءولىم ىقتيمالدىعى 1 دەن 11000000 عا، ال جول- كولىك وقيعاسىندا اپات 1 دەن 5000 عا تەڭ. ياعني 11 ميلليون جاعدايدىڭ بىرىندە عانا ۇشاق اپاتقا ۇشىرايدى، ال جەردەگى تەمىر تۇلپارلار 5 مىڭ جاعدايدىڭ بىرىندە اپاتقا ۇشىراپ جاتادى.

ەكىنشىدەن، ۇشاق شامامەن 10-12 ك م بيىكتىكتە 800-1000 ك م/ساع جىلدامدىقپەن ۇشادى. مۇنداي جاعدايدا پاراشيۋت مۇلدەم پايداسىز. سەبەبى، بورتتىڭ سىرتىنداعى تەمپەراتۋرا مينۋس 40 گرادۋستان مينۋس 60 قا دەيىن جەتەدى. ونىڭ ۇستىنە وتتەگى سيرەك. مۇنداي بيىكتىكتەن پارشيۋتپەن سەكىرگەن ادام جەرگە جەتپەي كوز جۇمادى.

ۇشىنشىدەن، ۇشاق اپاتتارىنىڭ كوپشىلىگى اۋە كەمەسى قونىپ جاتقان نەمەسە كوككە ەندى كوتەرىلگەن كەزدە بولادى. مۇنداي جاعدايدا جولاۋشىلار پاراشيۋتپەن سەكىرىپ ۇلگەرمەيدى.

تورتىنشىدەن، اۋە اپاتى كەزىندە ادامدار ابدىراپ قالادى، ولارعا پاراشيۋتپەن سەكىرۋ ءۇشىن ەسىككە دەيىن بەلگىلى ءبىر تارتىپپەن، كەزەكپەن جەتكىزۋ مۇمكىن ەمەس.

بەسىنشىدەن، 100-500 پاراشيۋتتى الىپ ءجۇرۋ وتە قيىن. ۇشاققا ونى تيەۋگە تۋرا كەلەتىندىكتەن، جولاۋشىلاردىڭ جۇگىن ورنالاستىرۋعا ورىن قالمايدى. سونىمەن قاتار بۇل اۋە بيلەتتەرىنىڭ قىمباتتاۋىنا اسەر ەتەدى، ويتكەنى پاراشيۋت قىمبات تۇرادى.


massaget.kz

سوڭعى جاڭالىقتار