+7 (701) 759 90 19
-17 °С : نۇر-سۇلتان
-8 °С : الماتى
USD 419.69 EUR 510.89
RUB 5.63 CNY 64.82
جاڭالىقتار

ەلباسى «نۇر-وتان» پارتياسىنىڭ ساياسي كەڭەسى بيۋروسىنىڭ وتىرىسىن وتكىزدى

24 قاراشا 19:54
:ءبولىسۋ
ەلباسى «نۇر-وتان» پارتياسىنىڭ ساياسي كەڭەسى بيۋروسىنىڭ وتىرىسىن وتكىزدى

نۇر- سۇلتان. قازاقپارات - ەلباسى نۇرسۇلتان نازاربايەۆتىڭ توراعالىعىمەن «Nur Otan» پارتياسىنىڭ ساياسي كەڭەسى بيۋروسىنىڭ وتىرىسى ءوتتى.

بۇل قازاقپارات elbasy.kz سايتىنا سىلتەمە جاساپ حابارلايدى. جيىندا ەلباسى سوڭعى بەس جىل ىشىندە پارتيا ءوزىنىڭ سايلاۋ الدىندا بەرگەن ۋادەلەرىنىڭ باسىم بولىگىن ورىنداعانىن اتاپ ءوتتى.

«فراكتسيا وتىرىسىندا «Nur Otan» پارتياسىنىڭ «قازاقستان-2021: بىرلىك. تۇراقتىلىق. جاسامپازدىق» اتتى سايلاۋالدى باعدارلاماسىنىڭ ورىندالۋى تۋرالى ۇكىمەتتىڭ ەسەبى تىڭدالدى. پاندەمياعا جانە سوعان بايلانىستى الەمدىك ەكونوميكانىڭ 4,4 پروتسەنتكە، كەيبىر دامىعان ەلدەردە 10 پروتسەنتكە قۇلدىراعانىنا قاراماستان، ءبىز ءتيىمدى جۇمىستىڭ جانە ۇلتتىق قور قاراجاتىنىڭ ارقاسىندا مۇنداي كۇردەلى جاعدايلاردى اينالىپ وتە بىلدىك»، - دەدى نۇرسۇلتان نازاربايەۆ.

قازاقستاننىڭ تۇڭعىش پرەزيدەنتى سوڭعى ءبىر جىلدىڭ ىشىندە پارتيا جۇمىسىن قايتا جانداندىرۋ باعىتىندا اۋقىمدى جۇيەلى جۇمىس اتقارىلعانىن اتاپ ءوتتى.

«ءبىز العاش رەت پرايمەريز وتكىزدىك. سونىڭ ناتيجەسىندە اۋدان، قالا جانە وبلىس دەڭگەيىندەگى ىرىكتەۋلەردەن وتكەن 77 كانديدات ساياسي كەڭەستىڭ شەشىمىمەن سەزگە ۇسىنىلىپ وتىر. بۇگىن پرايمەريز تارتىبىنە سايكەس، قالعان 49 كانديداتتى ورتالىق كۆوتا بويىنشا پارتيالىق تىزىمگە قوسۋ جونىندە شەشىم قابىلدايمىز. حالىقتىڭ قاتىسۋىمەن 216 وڭىرلىك سايلاۋالدى باعدارلاما جان- جاقتى تالقىلانىپ، قابىلداندى. وندا جۇرتشىلىق تاراپىنان كەلىپ تۇسكەن 17 مىڭنان استام ۇسىنىس ەسكەرىلدى» ، - دەدى پارتيا ءتوراعاسى.

سونداي- اق ەلباسى پرايمەريزگە قاتىسۋشىلار مەن وندا جەڭىسكە جەتكەن ازاماتتارعا توقتالدى.

«پرايمەريزگە قاتىسۋشىلاردىڭ ۇشتەن ءبىر بولىگى جانە پارتيالىق تىزىمگە ەنگەن ءاربىر بەسىنشى ادام - جاستار وكىلى. پارتيالىق ءتىزىمنىڭ 30 پروتسەنتىن ايەلدەر قۇرايدى. سونىمەن بىرگە پارتيا تىزىمدەرىندە كوپ بالالى انالار، مۇمكىندىگى شەكتەۋلى جاندار، بيزنەس وكىلدەرى، جۇمىسشىلار مەن قىزمەتكەرلەر بار. پرايمەريزگە قاتىسقان پارتيانىڭ ءاربىر ءۇشىنشى جاڭا مۇشەسى جەڭىسكە جەتتى. وسىلايشا، ءبىز «Nur Otan» پارتياسىنىڭ جۇمىسىن جۇيەلى تۇردە قايتا جانداندىرۋدى اياقتادىق»، - دەدى قازاقستاننىڭ تۇڭعىش پرەزيدەنتى.

بيۋرو مەن ساياسي كەڭەس وتىرىستارىنىڭ ناتيجەسىندە 126 كانديداتتان قۇرالعان ءتىزىم «Nur Otan» پارتياسىنىڭ ⅩⅩسەزىنە ۇسىنىلادى.



:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات