+7 (701) 759 90 19
-19 °С : نۇر-سۇلتان
-7 °С : الماتى
USD 419.69 EUR 510.89
RUB 5.63 CNY 64.82
جاڭالىقتار

ۆيتسە- پرەمەر: ۇكىمەت وتاندىق كاسىپورىندارعا جان- جاقتى قولداۋ كورسەتەدى

24 قاراشا 17:52
:ءبولىسۋ
ۆيتسە- پرەمەر: ۇكىمەت وتاندىق كاسىپورىندارعا جان- جاقتى قولداۋ كورسەتەدى

تاراز. قازاقپارات - جامبىل وبلىسىنا جۇمىس ساپارى بارىسىندا ق ر پرەمەر- ءمينيسترىنىڭ ورىنباسارى ەرالى توعجانوۆ باستاعان ۇكىمەتتىك دەلەگاتسيا كوروناۆيرۋستىق ينفەكسيانىڭ ىقتيمال جاڭا تولقىنىنا دايىندىقتى تەكسەردى، دەپ حابارلايدى قازاقپارات ءتىلشىسى.

تارازدا ۆيتسە- پرەمەر قالالىق 200 توسەكتىك كوپبەيىندى اۋرۋحاناسىنىڭ ينفەكسيالىق بولىگىندە بولدى. بۇرىنعى پەريناتالدىق ورتالىقتىڭ عيماراتى كۇردەلى جوندەۋدەن ءوتىپ، بارلىق زاماناۋي ستاندارتتارعا ساي كەلەتىن جانە مەديتسينالىق جابدىقتارمەن تولىق قامتاماسىز ەتىلگەن ينفەكتسيالىق اۋرۋحانا بولىپ جابدىقتالعان.

قازىرگى تاڭدا مۇندا 200 مەديتسينالىق كوپ فۋنكتسيونالدى توسەك، كومپيۋتەرلىك توموگراف، كومپيۋتەرلىك توموگراف، 20 ءو ج ج، ەكى دەفيبريللياتور، قانداعى گازدار مەن ەلەكتروليتتەردى انىقتايتىن اۆتوماتتاندىرىلعان اناليزاتور، وتتەگى ستانسياسى، 30 رەانيماتسيالىق توسەك ساتىپ الىندى. «ناۋقاسقا ءو ج ج قاجەت بولاتىن اسقىنۋلاردىڭ الدىن الۋ جانە بولدىرماۋ قاجەت»، - دەپ اتاپ ءوتتى ۆيتسە- پرەمەر مەديتسينا قىزمەتكەرلەرىنە قاراتا.

سونداي- اق، ۆيتسە- پرەمەر وبلىستىق كوپبەيىندى اۋرۋحانانىڭ جانىنداعى «قامقورلىق» وڭالتۋ ورتالىعىنا باردى. ورتالىق قازاقستان رەسپۋبليكاسىنىڭ تۇڭعىش پرەزيدەنتى - ەلباسى قورى ازىرلەگەن «قامقورلىق» جوباسى اياسىندا اشىلعان. جوبا مۇمكىندىگى شەكتەۋلى بالالاردى قولداۋعا باعىتتالعان. مۇنداعى بالالارعا كەشەندى تۇردە مەديتسينالىق، الەۋمەتتىك- پسيحولوگيالىق جانە پەداگوگيكالىق قىزمەتتەر كورسەتىلەدى. جەرگىلىكتى بيۋدجەت ەسەبىنەن اعىمداعى جىلى 70 ميلليون تەڭگەگە عيمارات جوندەۋدەن ءوتتى.

مەديتسينالىق قۇرال- جابدىقتار ساتىپ الۋعا 1,1 ميللياردقا جۋىق تەڭگە باعىتتالعان. ورتالىق د س پ- مەن اۋىراتىن بالالارعا ارنالعان ارنايى ۆەلوسيپەدتەرى بار اۆتودروم جانە باسسەينمەن جابدىقتالعان. ناۋقاستار يپپوتەراپيا قابىلدايدى. شۆەيتساريالىق «Lokomat» ترەناجەرىن ساتىپ الىنعان. اۋرۋحانا اۋماعىندا ۆيتسە- پرەمەر مەديتسينالىق قىزمەتكەرلەرگە 18 زاماناۋي رەانوموبيل كىلتتەرىن تابىستادى. ولار وبلىستىق جەدەل جاردەم ستانسياسىنىڭ پاركىن تولىقتىردى.

جامبىل اۋدانىندا ەرالى توعجانوۆ مەديتسينالىق بۇيىمداردى ءىرى جەتكىزۋشىلەرىنىڭ ءبىرى بولىپ سانالاتىن «Super-pharm» ج ش س- ءنىڭ زاۋىتىنا باردى. زاۋىت ۇدەمەلى يندۋستريالىق- يننوۆاتسيالىق دامىتۋ باعدارلاماسى اياسىندا 2011 -جىلى پايدالانۋعا بەرىلگەن. كاسىپورىننىڭ وندىرىستىك قۋاتتىلىعى جىلىنا شامامەن 200 ميلليون مەديتسينالىق ماقساتتاعى بۇيىم شىعارۋعا قاۋقارلى. ءوندىرىس ورنىندا 480 ادام جۇمىس ىستەيدى. جىل سوڭىنا دەيىن جۇمىسشىلار سانىن 600-گە دەيىن ارتتىرۋ جوسپارلانۋدا.

كاسىپورىن ءبىر رەتتىك ماسكالار، ءبىر رەتتىك توسەك- ورىن جاپقىش- جيىنتىقتارى، باحيلالار، كومبينەزوندار، باس كيىمدەر، وپەراتسيالىق حالاتتارى سەكىلدى بارلىعى 300-گە جۋىق بۇيىم ءتۇرىن شىعارادى. ۆيتسە- پرەمەر ۇكىمەت اعىمداعى ماسەلەلەردى شەشۋ ءۇشىن وتاندىق كاسىپورىندارعا جان- جاقتى قولداۋ كورسەتىلەتىندىگىن باسا ايتتى.

ەسكە سالساق، جامبىل وبلىسىنا ساپارى بارىسىندا ەرالى توعجانوۆ COVID-19-عا قارسى وتاندىق ۆاكسينا شىعاراتىن زاۋىتتى سالۋ بارىسىمەن تانىستى.

اۆتور: سايا سەمباي


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات