پرەزيدەنت مينيسترگە اۋىر دەرتكە شالدىققان قاراعاندىلىق بالاعا كومەكتەسۋدى تاپسىردى
بۇل تۋرالى مينيستر Facebook پاراقشاسىندا جازدى.
«مەملەكەت باسشىسى قاسىم- جومارت كەمەل ۇلى توقايەۆ اڭساردىڭ اناسىنىڭ جاريالاعان جازباسىنا نازار اۋداردى. مەن اسەلمەن (اڭساردىڭ اناسى) تەلەفون ارقىلى سويلەستىم. بالانى ەمدەۋدىڭ بولجامدى نۇسقالارىن تالقىلادىق. قاراعاندى وبلىسىنىڭ دەنساۋلىق ساقتاۋ باسقارماسىنىڭ باسشىسى بۇگىن اڭسارمەن كەزدەسەدى، ونىڭ ەمدەلۋىنە كومەكتەسەدى»، - دەدى مينيستر جەلىدەگى پاراقشاسىندا.
ايتا كەتسەك بۇعان دەيىن قاراعاندىلىق جاس بالانىڭ اناسى كوپتەن كومەك سۇراپ، Іnstagram پاراقشاسىندا بىرنەشە رەت جازبا جاريالاعان ەدى. جازبالارىنىڭ بىرىندە ول ءتىپتى پورتۋگاليالىق فۋتبولشى كريشتيانۋ رونالدۋعا دا كومەك سۇراپ جۇگىنگەن. قاراعاندىلىق اڭسار نۇرجانوۆ ءبىر كەزدەرى دەنساۋلىعىندا اقاۋ جوق، ون ەكى مۇشەسى ساۋ بالا بولعان. الايدا كەيىن وزىنەن- ءوزى شالىنىپ قۇلاي بەرەتىن جاعدايعا دۋشار بولعان. قاۋىپتى دەرت جاس بالانىڭ بۇكىل بۇلشىقەت جۇمىسىنا زاقىم كەلتىرگەن.
اۆتور: ايان بەكەن ۇلى