+7 (701) 759 90 19
-9 °С : نۇر-سۇلتان
-2 °С : الماتى
USD 419.54 EUR 509.2
RUB 5.72 CNY 64.81
جاڭالىقتار

قاراعاندى وبلىسىندا پاندەمياعا قاراماستان، ەكسپورتتىق الەۋەتى مول ينۆەستيتسيالىق جوبالار ىسكە اسىرىلۋدا – پرەزيدەنت

23 قاراشا 22:23
:ءبولىسۋ
قاراعاندى وبلىسىندا پاندەمياعا قاراماستان، ەكسپورتتىق الەۋەتى مول ينۆەستيتسيالىق جوبالار ىسكە اسىرىلۋدا – پرەزيدەنت

قاراعاندى. قازاقپارات - پاندەمياعا قاراماستان، قاراعاندى وبلىسىندا ەكسپورتتىق الەۋەتى مول ينۆەستيتسيالىق جوبالار، جاڭا ءوندىرىس ورىندارى جۇزەگە اسىرىلىپ جاتىر.

بۇل تۋرالى پرەزيدەنت قاسىم- جومارت توقايەۆ Twitter- دە جازدى، دەپ حابارلايدى قازاقپارات.

«قاراعاندى وبلىسىنا جۇمىس ساپارىم بارىسىندا «سارىارقا» ا ە ا مەن «YDD CORPORATION» ج ش س فەرروقورىتپا زاۋىتى سەكىلدى ءبىرقاتار نىساندى ارالاپ كوردىم. پاندەمياعا قاراماستان وڭىردە ەكسپورتتىق الەۋەتى مول ينۆەستيتسيالىق جوبالار، جاڭا ءوندىرىس ورىندارى جۇزەگە اسىرىلىپ جاتىر»، - دەدى مەملەكەت باسشىسى.

سونداي- اق ق. توقايەۆ قاراعاندىداعى ۇلكەن تەننيسپەن جانە ۇستەل تەننيسىمەن اينالىساتىن جاڭا ورتالىقتاردىڭ جۇمىسىمەن تانىستى.

«بۇل نىسانداردىڭ كاسىبي سپورتشىلارعا عانا ەمەس، قاراپايىم حالىققا، اسىرەسە جاستارعا ارنالعانى قۋانتادى. بۇقارالىق سپورت - قازاقستاندىقتاردىڭ دەنساۋلىعىن نىعايتۋدىڭ كەپىلى»، - دەدى قازاقستان پرەزيدەنتى.


بۇدان بولەك، قاسىم- جومارت توقايەۆ قازاقستاندىق قارا مەتاللۋرگيانىڭ كوشباسشىسى «ارسەلورميتتال تەمىرتاۋ» كاسىپورنىنا باردى.

«وسى قازاقستان ماگنيتكاسىندا ەلباسى ن. ءا. نازاربايەۆ ەڭبەك جولىن باستاعان. مەتاللۋرگتار ءوز كاسىپورنى مەن ەلىمىزدىڭ بولاشاعىنا زور سەنىممەن قارايدى»، - دەپ جازدى مەملەكەت باسشىسى.

ەسكە سالايىق، بۇگىن ق ر پرەزيدەنتى جۇمىس ساپارىمەن قاراعاندى وبلىسىنا باردى. الدىمەن ق. توقايەۆ جاڭادان سالىنعان 1200 ورىندىق مەكتەپ- گيمنازيانى ارالاپ كوردى. كەيىن ءبىرقاتار سپورت نىسانىنا باس سۇقتى، «سارىارقا» ارنايى ەكونوميكالىق ايماعىنىڭ دامۋ پەرسپەكتيۆاسىمەن تانىستى، «YDD CORPORATION» ج ش س- ءنىڭ فەرروقورىتپا زاۋىتىندا بولدى. ال «ارسەلورميتتال تەمىرتاۋ» ا ق مەتاللۋرگيا كومبيناتىندا مىرىشپەن جانە اليۋمينيمەن قاپتاۋ سەحىنىڭ جۇمىسىمەن تانىستى.



:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات