الماتى پوليتسياسى كۇشەيتىلگەن جۇمىس رەجيمىنە كوشتى

None
None
الماتى. قازاقپارات - الماتى پوليتسياسى كۇشەيتىلگەن جۇمىس رەجيمىنە كوشتى، دەپ حابارلايدى قازاقپارات ءتىلشىسى.

الماتى قالالىق پوليتسيا دەپارتامەنتى باسپا ءسوز قىزمەتىنىڭ مالىمەتىنشە، 23-30-قاراشا ارالىعىندا «قۇقىق ءتارتىبى» رەسپۋبليكالىق جەدەل الدىن الۋ- شاراسى وتەدى. وسىعان بايلانىستى الماتى پوليتسياسى كۇشەيتىلگەن جۇمىس تارتىبىنە كوشىرىلدى.

«اتالعان ءىس- شاراعا پوليتسيا قىزمەتكەرلەرىمەن قوسا، ۇلتتىق ۇلان ساربازدارى دا جۇمىلدىرىلادى. شارا بارىسىندا قوعامدىق ءتارتىپتى قاداعالاۋ ءۇشىن پوليتسيانىڭ جەكە قۇرامى كۇشەيتىلگەن جۇمىس تارتىبىنە كوشىرىلدى. قالا بويىنشا پوليتسيا ناريادتارى كوبەيتىلىپ، «قۇقىق بۇزۋشىلىققا نولدىك توزىمدىلىك» قاعيداسى بويىنشا ءتارتىپ ساقشىلارى جانە اسكەري قىزمەتكەرلەر كوشەلەر مەن اۋلالاردا، ساياباقتاردا، ساياجايلاردا جانە وزگە دە قوعامدىق ورىنداردا رەيدتتىك جۇمىستار جۇرگىزەدى. سونداي- اق كوشى- قون زاڭدارىن بۇزىپ، ەل اۋماعىنا كەلەتىن كەلىمسەكتەردى انىقتاۋ ءۇشىن قۇرىلىس الاڭدارى مەن تاماقتانۋ ورىندارى تەكسەرىلەدى»، - دەدى الماتى قالالىق پوليتسيا دەپارتامەنتىنىڭ جەرگىلىكتى پوليتسيا قىزمەتىنىڭ باستىعى ماناپ ساتتاروۆ.

سپيكەردىڭ ايتۋىنشا، ارنايى ەسەپتە تۇراتىن ادامدار مەن ازاماتتىق قارۋ يەلەرى دە پوليتسيانىڭ نازارىنان تىس قالمايدى. ال جەدەل باسقارما قىزمەتكەرلەرى پاتەر توناۋ، كولىك ۇرلىعى سياقتى قىلمىستار جاسايتىن قىلمىستىق توپتار مەن ءىز- ءتۇزسىز جوعالعان ادامداردى جانە بۇرىن قىلمىس جاساپ ىزدەۋ جاريالانعان ادامداردى انىقتاۋعا باعىتتالعان جۇمىستاردى جۇزەگە اسىرادى، - دەدى الماتى قالالىق پوليتسيا دەپارتامەنتىنىڭ جەرگىلىكتى پوليتسيا قىزمەتىنىڭ باستىعى ماناپ ساتتاروۆ.

سونىمەن قاتار، ول كەڭ كولەمدە ۇيىمداستىرىلىپ وتىرعان شارا قىلمىستىق احۋالدى تۇراقتاندىرۋعا، قىلمىستار مەن قۇقىق بۇزۋشىلىقتاردىڭ الدىن الۋعا باعىتتالعانىن جەتكىزدى.


سوڭعى جاڭالىقتار