كوروناۆيرۋس: اقمولا وبلىسى «قىزىل ايماققا» ەندى

None
None
كوكشەتاۋ. قازاقپارات - اقمولا وبلىسى كوروناۆيرۋس بويىنشا قاۋىپتىلىكتىڭ «قىزىل ايماعىنا» كىردى.

بۇل تۋرالى وبلىستىق سانيتاريالىق- ەپيدەميولوگيالىق باقىلاۋ دەپارتامەنتىنىڭ باسشىسى ايناگۇل مۋسينا ايتتى، دەپ حابارلايدى قازاقپارات ءتىلشىسى.

«بۇگىن ءبىز قاۋىپتىلىكتىڭ «قىزىل ايماعىنا» كىردىك. ازىرگە كارانتيندى كۇشەيتكەن جوقپىز، الداعى ۆەدومستۆوارالىق كومييسسيا وتىرىسىندا قارايتىن بولامىز. جالپى، ۆەدومستۆوارالىق كومييسسيانىڭ شەشىمىمەن ءبىرقاتار جەڭىلدەتۋلەر بولدى. ماسەلەن، ساعات 23:00 گە دەيىن قوعامدىق كولىكتەردىڭ جۇمىس كەستەسى ۇزارتىلدى. الايدا، كوروناۆيرۋس ينفەكتسياسىن جۇقتىرعانداردىڭ سانى ارتقان سوڭ، ءبىز ودان ءارى جەڭىلدەتۋدى توقتاتتىق»، - دەدى وبلىستىڭ باس سانيتارلىق دارىگەرى ايناگۇل مۋسينا قازاقپارات ءتىلشىسىنىڭ ساۋالىنا. سوىمەن قاتار، ول الداعى ۋاقىتتا كارانتيندىك شەكتەۋلەر كۇشەيتىلۋى مۇمكىندىگىن دە اتاپ ءوتتى.

«كارانتيندىك شەكتەۋلەردى كۇشەيتۋ بويىنشا ءبىز تالداۋ جۇرگىزىپ، بايقايتىن بولامىز. قازىرگى كەزدە تاۋلىگىنە 61 ادامنان انىقتالۋدا. ادەتتەگىدەي، كوكشەتاۋ قالاسىندا كوپ تىركەلۋدە»، - دەپ تولىقتىردى ا. مۋسينا.

ايتا كەتسەك، وتكەن ءبىر تاۋلىكتە كوكشەتاۋ قالاسىندا 28 جاعداي تىركەلدى، ستەپنوگور قالاسىندا – 12، بۇلاندى اۋدانىندا – 6، ساندىقتاۋ اۋدانىندا – 5، اقكول اۋدانىندا – 3، جاقسى اۋدانىندا – 3، ءبىرجان سال اۋدانىندا – 2، ەسىل اۋدانىندا – 1، بۋراباي اۋدانىندا 1 جاعداي انىقتالدى.

قازىرگى كەزدە، ناۋقاستار ەگىندىكول اۋدانىنان وزگە بارلىق اۋداندا انىقتالدى. ايتا كەتەيىك، بۇگىن ق ر ۇكىمەتىنىڭ باسشاسى اسقار مامين ەل اۋماعىندا كوروناۆيرۋس ينفەكتسياسىنىڭ تارالۋىنا جول بەرمەۋ جونىندەگى ۆەدومستۆوارالىق كوميسسيانىڭ سەلەكتورلىق وتىرىسىن وتكىزدى. كەڭەستە كوروناۆيرۋس بويىنشا «قىزىل ايماققا» - 5، «سارى ايماققا» 2 ءوڭىر ەنگەنى ايتىلدى.

سوڭعى جاڭالىقتار