+7 (701) 759 90 19
-9 °С : نۇر-سۇلتان
-2 °С : الماتى
USD 419.54 EUR 509.2
RUB 5.72 CNY 64.81
جاڭالىقتار

ۇلتتىق كينونى قولداۋ مەملەكەتتىك ورتالىعىنىڭ باسشىسى تاعايىندالدى

23 قاراشا 20:48
:ءبولىسۋ
ۇلتتىق كينونى قولداۋ مەملەكەتتىك ورتالىعىنىڭ باسشىسى تاعايىندالدى

نۇر- سۇلتان. قازاقپارات - «ۇلتتىق كينونى قولداۋ مەملەكەتتىك ورتالىعى» كوممەرتسيالىق ەمەس اكسيونەرلىك قوعامىنىڭ باسقارما ءتوراعاسى بولىپ ەسەتجان قوسۋبايەۆ تاعايىندالدى، دەپ حابارلايدى قازاقپارات ءتىلشىسى.

اتالعان ورتالىقتىڭ رەسمي سايتىنداعى اقپاراتقا سايكەس، كينو ورتالىعىنىڭ ۇجىمىنا ۇيىمنىڭ جاڭا باسشىسىن ق ر مادەنيەت جانە سپورت مينيسترلىگىنىڭ جاۋاپتى حاتشىسى باقىتجان تەمىربولات تانىستىرعان. ەسەتجان مۇرات ۇلى مەملەكەتتىك باسقارۋ ورگاندارىندا قىزمەت ەتكەن. ق ر مادەنيەت، اقپارات جانە سپورت مينيسترلىگىن باسقارعان. مەدياكومپانيالار مەن قوعامدىق قۇرىلىمدارعا باسشىلىق جاساپ، مادەنيەت سالاسىندا ءتۇرلى جوبالاردى ۇيىمداستىرعان. ول 1955 -جىلى الماتى قالاسىندا دۇنيەگە كەلگەن. 1980 -جىلى س. كيروۆ اتىنداعى قازاق مەملەكەتتىك ۋنيۆەرسيتەتىنىڭ تاريح فاكۋلتەتىن بىتىرگەن. ءىرى حالىقارالىق ونەر فورۋمدارىن، قوعامدىق اكتسيالاردى، ءىس- شارالاردى ۇيىمداستىرۋعا جانە وتكىزۋگە اتسالىسقان. ءار جىلدارى «ارت- سەنتر» پروديۋسەرلىك ورتالىعىنىڭ باس ديرەكتورى، «الماتى - مويا پەرۆايا ليۋبوۆ» رەترو فەستيۆالىنىڭ پروديۋسەرى جانە جۇرگىزۋشىسى بولعان. «ازيا داۋىسى» حالىقارالىق مۋزىكالىق فەستيۆالدەرىنىڭ ىرگەتاسىن قالاعانداردىڭ ءبىرى. «اسىل مۇرا» قامقورشىلىق كەڭەسىنىڭ قۇرامىندا بولعان، سونىڭ ارقاسىندا كورنەكتى قازاق كومپوزيتورلارىنىڭ شىعارمالارى بار ءبىر جارىم مىڭنان استام مۇراعاتتىق جازبالار قالپىنا كەلتىرىلگەن بىرنەشە جىل بويى مادەني- قوعامدىق ينستيتۋتتاردى باسقارعان.

كوممەرتسيالىق جانە قارجى قۇرىلىمدارىن باسقارۋ تاجىريبەسى بار. قازاقستاندى مادەني، الەۋمەتتىك جانە عىلىمي- تەحنيكالىق دامىتۋ قورىنىڭ باس ديرەكتورىنىڭ ورىنباسارى، «بوبەك» بالالار قايىرىمدىلىق قورىنىڭ ۆيتسە- پرەزيدەنتى، «Kazenergy» قوعامدىق قورىنىڭ پرەزيدەنتى لاۋازىمدارىندا قىزمەت ەتكەن. «التىن- الما» ا ق باسقارما ءتوراعاسى، «اتامەكەن» قازاقستاننىڭ ۇلتتىق ەكونوميكالىق پالاتاسىنىڭ باسقارما مۇشەسى بولعان.

ەسەتجان مۇرات ۇلى وتاندىق مەدياقۇرىلىمداردىڭ، كينو مەن تەليەۆيزيانىڭ اياققا تۇرۋىنا جانە دامۋىنا زور ۇلەس قوسقان. «راۋان مەديا گرۋپپ» كومپانياسىنىڭ ديرەكتورلار كەڭەسىن باسقارعان. 1998 -جىلى ورتالىق ازياداعى ەڭ ءىرى كينوفورۋم - «ەۆرازيا» ءبىرىنشى حالىقارالىق كينوفەستيۆالىنىڭ باس ديرەكتورى بولىپ تاعايىندالعان. ە. قوسۋبايەۆتىڭ شىعارماشىلىق ءومىربايانىندا جەكە اكتەرلىك تاجىريبەسى بار. ونىڭ ىشىندە اتاقتى كەڭەس رەجيسسەرى يۋري چۋليۋكيننىڭ «ي ۆ شۋتكۋ، ي ۆسەرەز.. .» فيلمىندە (1963 ج. ) باستى ءرولدى سومداعان. قازىرگى ۋاقىتتا ە. قوسۋبايەۆ شاكەن ايمانوۆ اتىنداعى «قازاقفيلم» اق ديرەكتورلار كەڭەسىنىڭ مۇشەسى جانە تاۋەلسىز ديرەكتورى. «قۇرمەت» جانە 2-دارەجەلى «دوستىق» ، رەسەيدىڭ چەرنوبىل ارداگەرلەر كوميتەتىنىڭ «دولگ ي چەست» وردەندەرىمەن، سونىمەن قاتار، ءتۇرلى توسبەلگىلەرمەن جانە مەدالدارمەن ماراپاتتالعان.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات