ۇستىرتتە الابارىس فوتوتۇزاققا ءتۇسىپ قالدى

نۇر- سۇلتان. قازاقپارات - ءۇستىرت تابيعي قورىعىندا الابارىس فوتوتۇزاققا ءتۇسىپ قالدى، دەپ حابارلايدى قازاقپارات.

ءۇستىرت تابيعي قورىعىندا فوتوتۇزاققا تۇسكەن الدىڭعى ازيا الابارىسىنىڭ سۋرەتىمەن ءبولىستى.

«ءۇستىرت تابيعي قورىعىندا الابارىس (لەوپارد) فوتوتۇزاققا ءتۇسىپ قالدى. الدىڭعى ازيا لەوپاردى قورىق اۋماعىنا كورشى تۇركىمەنستاننان كەلگەن سياقتى. الەمدە پوپۋلياتسياسى 870-1,3 مىڭنان اسپايتىن اڭ قازاقستاندا تەك ۇستىرتتە عانا كەزدەسىپ تۇرادى. سوندىقتان قورىقتى ءتيىستى كۇيىندە ساقتاپ، ونىڭ تەرريتورياسىندا جانە باسقا دا ەرەكشە قورعالاتىن تابيعي اۋماقتاردا تابيعات قورعاۋ شارالارىن قاتاڭ ساقتاۋ وتە ماڭىزدى»، - دەپ جازدى ق ر ەكولوگيا، گەولوگيا جانە تابيعي رەسۋرستار ءمينيسترى ماعزۇم مىرزاعالييەۆ جەلىدەگى پاراقشاسىندا.

قازاقستاندا الدىڭعى ازيا الابارىسىن باقىلاۋمەن ءۇستىرت قورىعىنىڭ قىزمەتكەرلەرى مەن CADI جوباسى اياسىندا بيوالۋانتۇرلىلىكتى ساقتاۋ قاۋىمداستىعى اينالىسادى. «قازىر ماماندار جانۋاردى قازاقستاننىڭ قىزىل كىتابىنا ەنگىزۋ جونىندە نەگىزدەمە دايىنداپ جاتىر»، - دەدى ماعزۇم مىرزاعاليەۆ.

اۆتور: ايان بەكەن ۇلى