+7 (701) 759 90 19
-18 °С : نۇر-سۇلتان
-7 °С : الماتى
USD 419.69 EUR 510.89
RUB 5.63 CNY 64.82
جاڭالىقتار

پرەزيدەنت قاراعاندىداعى فەرروقورىتپا زاۋىتىنا باردى

23 قاراشا 18:07
:ءبولىسۋ
پرەزيدەنت قاراعاندىداعى فەرروقورىتپا زاۋىتىنا باردى

قارعاندى. قازاقپارات - قازاقستان پرەزيدەنتى قاسىم- جومارت توقايەۆ «YDD CORPORATION» ج ش س- ءنىڭ فەرروقورىتپا زاۋىتىنا باردى، دەپ حابارلايدى اقوردا.

مەملەكەت باسشىسى جوعارى ساپالى فەرروسيليتسيا (FeSi75) وندىرىسىمەن تانىستى. بۇل ءونىمنىڭ قوسپاسى بولات، شويىن قورىتۋ كەزىندە مەتاللداردىڭ مەحانيكالىق جانە كورروزيالىق توزىمدىلىگىن جاقسارتۋ ءۇشىن قولدانىلادى.


قاسىم- جومارت توقايەۆقا ءوندىرىس پروتسەسى مەن وندىرىستە، قۇرىلىستا، كەمە، اۋە كولىكتەرىن جانە اۆتوموبيل جاساۋدا قولدانىلاتىن دايىن ونىمدەر كورسەتىلدى. زاۋىتتىڭ قۋاتتىلىعى جىلىنا 180 مىڭ توننا ءونىم وندىرۋگە جەتەدى.

وندا قولدانىلاتىن تەحنولوگيا فەرروسيليتسيا مەن فەررومارگانەتس وندىرۋگە مۇمكىندىك بەرەدى. جوباداعى وتاندىق ءونىمنىڭ ۇلەسى 95 پايىزدان اسادى. زاۋىتتىڭ اكسيونەرلەرى ە. نىعماتۋلين، ا. كەمەرتەليدزە جانە ج. اپپاز اتالعان جوبانىڭ جەرگىلىكتى جانە جاھاندىق سۇرانىستى قامتاماسىز ەتەتىنىن ايتتى.


اتاپ ايتقاندا، مۇندا وندىرىلگەن فەرروسيليتسيا قازاقستاننان بولەك، ەۋروپا، وڭتۇستىك شىعىس ازيا، سولتۇستىك جانە وڭتۇستىك امەريكا ەلدەرىنىڭ نارىعىنا شىعارىلادى. كاسىپورىننىڭ ءونىمى ساپاسى جاعىنان ەڭ جوعارى الەمدىك تالاپقا ساي كەلەدى. پاندەميا كەزىندە كومپانيا ءونىمنىڭ ساتىلۋ اۋماعىن 15 ەلگە ارتتىرىپ، قازاقستاننىڭ ەكسپورتتىق الەۋەتىن كوتەرۋگە ۇلەس قوستى. قازىرگى تاڭدا زاۋىت ءوز ءونىمىن الەمنىڭ 37 ەلىنە ەكسپورتتايدى.


كومپانيا COVID-19 پاندەمياسىنىڭ ءبىرىنشى تولقىنى كەزىندە جۇمىس كەستەسىن ۆاحتالىق ادىسكە كوشىرىپ، بارلىق قاجەتتى جاعداي جاساعانىنىڭ ارقاسىندا قازىرگى ءوندىرىس كولەمىن ساقتاپ قالدى. سونىمەن قاتار پرەزيدەنت ءوندىرىستى باسقارۋ ورتالىعىن ارالاپ كورىپ، «Qaz Qarbon» ج ش س- ءنىڭ جاڭا جوباسىمەن تانىستى.


- بۇل وتە قاجەتتى جانە جاقسى جوبا. قۇتتى بولسىن. قازاقستاندى يندۋستريالاندىرۋعا قوماقتى ۇلەس قوسقانىن ايتپاعاننىڭ وزىندە، ەل ەكونوميكاسىنىڭ ماڭىزدى اكتيۆى سانالادى. ءوندىرىستى جىلدام كورىپ شىقتىق. ءبىراق بۇعان قاتىستى ۇلكەن جوسپارلارىمىز بار. باقىلاپ، كومەكتەسىپ وتىرامىز، - دەدى مەملەكەت باسشىسى.

كەزدەسۋ سوڭىندا قاسىم- جومارت توقايەۆ فەرروقورىتپا زاۋىتىنىڭ ەڭبەك ۇجىمىنا تابىس تىلەدى.



:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات