سەمەيدە اسپانداعى جارقىل تۇرعىنداردىڭ ۇرەيىن ۇشىردى

سەمەي. قازاقپارات - سەمەي قالاسىندا اسپانداعى جارقىل تۇرعىنداردىڭ ۇرەيىن تۋعىزدى، دەپ حابارلايدى قازاقپارات ءتىلشىسى.

شاھار تۇرعىندارى الەۋمەتتىك جەلىلەردە تاراعان ۆيدەونى قىزۋ تالقىعا سالۋدا. 23-قاراشادا تۇنگى ساعات 02.20-دا تۇسىرىلگەن ۆيدەودا كورىنەتىندەي، اسپان كەنەتتەن جارق ەتتى دە سودان كەيىن بىرنەشە سەكۋندقا بارلىق پاتەرلەردەگى جارىق شامدارى ءسونىپ قالدى. بەلگىلى بولعانداي، زنامەنسكايا تاسجولىنىڭ بويىنداعى قالاعا جاقىن ورنالاسقان 18 شاعىن ستانسيادا قىسقا تۇيىقتالۋ بولعان.

«35 ك ۆ- تىق ەلەكتر تاراتۋ جەلىسىندەگى قىسقا تۇيىقتالۋ سالدارىنان اسپاندا دوعا ءتارىزدى كورىنىس پايدا بولدى. زارداپ شەككەن ەشكىم جوق. قازىر شاعىن ستانسيا جۇمىس ىستەپ تۇر»، - دەپ ءتۇسىندىردى «كەگوك» ا ق «سەمەي اۋماقتىق ەلەكتر جەلىلەرى» فيليالىنىڭ ماماندارى. قازىرگى ۋاقىتتا ماماندار قىسقا تۇيىقتالۋدىڭ سەبەبىن انىقتاۋدا.