اققۋ مەن قاراقۋدىڭ ءبىر- بىرىنەن ەرەكشەلىگى قانداي؟
قازاقستاندا ولاردىڭ سۇڭقىلداق جانە سىبىرلاۋىق اتالاتىن 2 ءتۇرى كەزدەسەدى. سۇڭقىلداق اققۋ مويىنىن اسپانعا قاراي تىك سوزىپ جۇزسە، سىبىرلاۋىق اققۋ مويىنىن يرەكتەتە ءيىپ، باسى مەن تۇمسىعىن سۋ بەتىنە قاراتا تىك ۇستاپ جۇزەدى.
قاراقۋ دەگەن دە بار. قاراقۋ مەن اققۋدىڭ ەكەۋىنىڭ باستارى ءبىر قازانعا سىيمايدى. اققۋلار سەكىلدى قاراقۋلار سۋ وسىمدىكتەرىمەن قورەكتەنگەندەرىمەن، ءوزارا ايىرماشىلىقتارى بار. قاراقۋدىڭ اتالىقتارى اققۋلاردى توبىنا جولاتپاي ىعىستىرىپ تاستايدى.
قاراقۋدىڭ اققۋدان ءبىر ەرەكشەلىگى - ولاردىڭ بالاپاندارىن ەركەگى قورعاپ جۇرەدى. سونداي-اق، داۋىس ىرعاقتارىندا دا ايىرماشىلىق كوپ. اققۋلارعا قاراعاندا قاراقۋ اششى داۋىستى. مويىن ومىرتقاسى 31 گە جەتەتىندىكتەن مويىندارى ۇزىن كەلەدى. بۇتكىل دەنەسى، جالپاق تابانىنا دەيىن قاپ-قارا، تەك ۇشكىر تۇمسىعى عانا قىزىل بولادى.
قاراقۋلار وزدەرى دۇنيەگە كەلگەن جەرلەردە ءوسىپ-ونەدى. سوندىقتان ولار جىل قۇستارىنىڭ قاتارىنا جاتپايدى. ەرەسەكتەرىنىڭ ۇزىندىعى 110 جانە 140 سانتيمەتر ارالىعىندا بولسا، سالماقتارى 4-8 كەلى بولىپ كەلەدى.
قاراقۋ - ۇيرەكتەكتەستەر وتباسىنا جاتاتىن قۇس. اۋستراليالىقتاردىڭ ەڭ سۇيىكتى قۇستارىنىڭ ءبىرى سانالادى. ولاردى بىزگە جاقىن تانىس اق قاناتىن سابالاپ، اسىر سالاتىن اققۋلارمەن سالىستىرۋعا بولمايدى. وتانى - اۋستراليا مەن تاسمانيا. ⅩⅨ عاسىردىڭ ورتا تۇسىندا ولاردى جاڭا زەلانديا جەرىنە جەرسىندىرگەن. ال سولتۇستىك امەريكا مەن ەۋروپادا ولار قورىقتار مەن ساياباقتاردا وسىرىلەدى.
massaget.kz