قىتاي بيلىگى رەسەيمەن شەكارالاس قالادا لوكداۋن ەنگىزدى

نۇر-سۇلتان. قازاقپارات - قىتايدا رەسەيدىڭ زابايكالسك ولكەسىمەن شەكتەسەتىن ىشكى موڭعوليا (ءى م ا ا، سولتۇستىك-شىعىس قىتاي) اۆتونوميالىق اۋدانىنىڭ مانچجوۋلي قالاسىندا ءىشىنارا لوكداۋن ەنگىزىلدى، دەپ حابارلايدى قازاقپارات COVID-19 ىندەتىنىڭ الدىن الۋ جانە باقىلاۋ جونىندەگى مۋنيتسيپالدى جەدەل شتابتىڭ مالىمدەمەسىنە سىلتەمە جاساپ.

وتكەن سەنبىدە مانچجوۋليدە جەرگىلىكتى كوروناۆيرۋس ينفەكتسياسىنىڭ ەكى جاڭا جاعدايى تىركەلدى.

COVID-19 جۇقتىرعاندار انىقتالعان مانچجوۋلي قالاسى تولىعىمەن جابىلدى. قالادا جاپپاي ءىس-شارالارعا تىيىم سالىندى، مەكتەپتەر مەن بالاباقشالار ۋاقىتشا جابىلدى.

مانچجوۋلي اكىمشىلىگى وسى جەكسەنبىدەن باستاپ قالا تۇرعىندارىن جاپپاي تەستىلەۋ ناۋقانىن باستايدى، ولاردىڭ سانى 170 مىڭنان اسادى.

تەستىلەۋ ءۇش كۇن ىشىندە اياقتالۋى كەرەك. قىتاي-رەسەي شەكاراسىنداعى ماڭىزدى قۇرلىقتاعى لوگيستيكالىق ورتالىق سانالاتىن مانچجوۋلي قالاسىمەن جولاۋشىلار تەمىرجول قاتىناسى ۋاقىتشا توقتاتىلدى.

جالپى، وتكەن تاۋلىكتە ماتەريكتىك قىتايدا 17 ادام كوروناۆيرۋس جۇقتىردى. ونىڭ ۇشەۋى جەرگىلىكتى، 14 ءى شەتەلدەن كەلگەن ادام.