قىتاي دەنساۋلىق كودىن ءوزارا مويىنداۋدىڭ حالىقارالىق مەحانيزمىن جاساۋدى ۇسىندى
ق ح ر ءتوراعاسى شي جينپيڭ بەينەكونفەرەنتسيا فورماتىندا ءوتىپ جاتقان جيىرمالىق توبىنىڭ (G20) سامميتىندە وسىنداي ۇسىنىس جاسادى، دەپ حابارلايدى قازاقپارات.
«قىتاي تاراپى دەنساۋلىق كودىن ءوزارا مويىنداۋدىڭ حالىقارالىق تەتىگىن جاساۋدى ۇسىندى. بۇل مەحانيزم پ س ر- تالداۋ مەن جالپى مويىندالعان QR- كودتى قولدانۋ ستاندارتىنا نەگىزدەلەدى»، - دەدى شي جينپيڭ.
بۇل رەتتە ق ح ر ءتوراعاسى اتالعان مەحنيزمگە مۇمكىندىگىنشە الەمنىڭ كوپتەگەن وڭىرلەرى مەن ەلدەرى قوسىلاتىنىنا سەنىم ءبىلدىردى.
«قىتاي كوروناۆيرۋسقا قارسى ۆاكتسينانى زەرتتەۋ مەن دايىنداۋ، ءوندىرۋ مەن تاراتۋ باعىتىندا وزگە مەملەكەتتەرمەن ىنتىماقتاسۋعا دايىن»، - دەدى ول.
ايتا كەتەيىك، قازان ايىندا قىتاي ۆاكتسيناتسيا مەن يممۋنيزاتسيا جونىندەگى جاھاندىق اليانسپەن (GAVI) كەلىسىم جاساپ، COVID-19 ۆاكتسيناسىنىڭ جالپىعا تەڭدەي تاراتىلۋىن قامتاماسىز ەتۋگە باعىتتالعان حالىقارالىق COVAX باستاماسىنا قوسىلدى.