«ەگەمەن قازاقستان» گازەتىنىڭ ءتىلشىسى اتىراۋداعى ايتىستىڭ باس جۇلدەسىن يەلەندى

None
None
اتىراۋ. قازاقپارات - اتىراۋدا ابايدىڭ 175 جىلدىعىنا ارنالعان «قايران ەلىم قازاعىم...» اتتى رەسپۋبليكالىق اقىندار ايتىسىنىڭ باس جۇلدەسىنە «ەگەمەن قازاقستان» گازەتىنىڭ ءتىلشىسى، ايتىسكەر اقىن راۋان قايدار يە بولدى، دەپ حابارلايدى قازاقپارات.

رەسپۋبليكالىق اقىندار ايتىسىنا ەلىمىزدىڭ ءار وڭىرىنەن 24 اقىن قاتىستى. ايتىستى قازاقستاننىڭ ەڭبەك ەرى ءاسانالى ءاشىموۆ ءتوراعالىق ەتكەن قازىلار القاسى سارالادى.

ورەلى سوزبەن كەستە تۇيگەن اقىندار ابايدىڭ دانالىعى مەن ۇلاعاتىنىڭ تاربيەلىك مانىنە توقتالدى.

قازىرگى قوعامنىڭ دامۋ ۇدەرىسىن، قوردالانعان ماسەلەلەردى ورتاعا سالدى. جەڭگە مەن قاينى اراسىنداعى ادەمى ءازىلدىڭ ايتىسىن جاسادى.

قازىلار القاسى اقىنداردىڭ كوركەم ويىن، ءسوز ساپتاۋىن سارالاپ، باس جۇلدەنى 24 ايتىسكەر اقىننىڭ اراسىنان وزا شاپقان «ەگەمەن قازاقستان» گازەتىنىڭ ءتىلشىسى راۋان قايدارعا بەردى.

باس جۇلدەنى وبلىس اكىمى ماحامبەت دوسمۇحامبەتوۆ تاپسىردى.

ءبىرىنشى ورىندى ەركەبۇلان قاينازار، ەكىنشى ورىندى رۇستەم قايىرتاي ۇلى مەن شالقارباي ءىزباساروۆ يەلەندى.

ءۇشىنشى جۇلدەمەن اسەم ەرەجە قىزى مەن التىنگۇل قاسىمبەكوۆا، نۇرمات مانسۇروۆ ماراپاتتالدى.

ال، سەرىك قويشىعۇلوۆ پەن جانىبەك سادىروۆ، سىرىمبەك سارسەنبايەۆ ارنايى جۇلدەگە يە بولدى.

ەسكە سالا كەتەلىك، بۇدان بۇرىن اتىراۋدا ابايدىڭ 175 جىلدىعىنا وراي رەسپۋبليكالىق ايتىس ءوتىپ جاتقانىن حابارلاعان ەدىك.

سوڭعى جاڭالىقتار