+7 (701) 759 90 19
-10 °С : نۇر-سۇلتان
3 °С : الماتى
USD 423.87 EUR 505.25
RUB 5.59 CNY 64.43
جاڭالىقتار

كوكشەتاۋدا «ابىلاي حاننىڭ قارا جولى» رەسپۋبليكالىق كونفەرەنتسياسى ءوتتى

22 قاراشا 12:56
:ءبولىسۋ
كوكشەتاۋدا «ابىلاي حاننىڭ قارا جولى» رەسپۋبليكالىق كونفەرەنتسياسى ءوتتى

كوكشەتاۋ. قازاقپارات - كوكشەتاۋدا «رۋحاني جاڭعىرۋ» وڭىرلىك جوبالىق كەڭسەسى جانە ماعجان جۇمبايەۆ اتىنداعى اقمولا وبلىستىق امبەبەپ عىلىمي كىتاپحانانىڭ ۇيىمداستىرۋىمەن «ابىلاي حاننىڭ قارا جولى» رەسپۋبليكالىق عىلىمي - تاجىريبەلىك كونفەرەنتسياسى ءوتتى، دەپ حابارلايدى قازاقپارات ءتىلشىسى.

وبلىستىق ىشكى ساسات باسقارماسىنىڭ مالىمەتىنشە، ونلاين كونفەرەنتسياعا ەلىمىزدىڭ تانىمال عالىمدارى، تاريحشىلارى، ساياساتتانۋشىلارى، زەرتتەۋشىلەرى، زيالى قاۋىم وكىلدەرى، ەكسپەديتسيا قاتىسۋشىلارى جانە ب ا ق وكىلدەرى قاتىستى.

شارانى ل. گۋميليەۆ اتىنداعى ەۋرازيا ۇلتتىق ۋنيۆەرسيتەتىنىڭ پروفەسسورى، تاريح عىلىمدارىنىڭ دوكتورى جامبىل ارتىقبايەۆ جۇرگىزىپ وتىردى.

قاتىسۋشىلارعا ايماق باسشىسى ەرمەك مارجىقپايەۆتىڭ ىستىق سالەمىن جەتكىزگەن وبلىستىق ىشكى ساياسات باسقارماسىنىڭ باسشىسى التىناي امىرەنوۆا كونفەرەنتسيا جۇمىسىنا ساتتىلىك تىلەدى.

«ابىلاي حاننىڭ قارا جولى» ەكسپەديتسياسىنىڭ باستى ماقساتى، ق ر تۇڭعىش پرەزيدەنتى - ەلباسى ن. نازاربايەۆتىڭ «بولاشاققا باعدار: قوعامدىق سانانى جاڭعىرتۋ» باعدارلامالىق ماقالاسىندا العا قويعان مىندەتتەردى جۇزەگە اسىرۋ»، - دەدى التىناي امىرەنوۆا.

قازاق حالقىنىڭ تاريحىندا ابىلاي حاننىڭ الاتىن ورنى ەرەكشە. ابىلاي حان قازاق مەملەكەتتىلىگىن ورناتىپ، تاۋەلسىزدىگىن ساقتاۋ جولىندا ءوزىنىڭ ديپلوماتيالىق، ساياسي- قوعامدىق قىزمەتىن جۇرگىزدى.

وسى رەتتە، ل. گۋميليەۆ اتىنداعى ەۋرازيا ۇلتتىق ۋنيۆەرسيتەتىنىڭ فيليولوگيا فاكۋلتەتىنىڭ دوتسەنتى سەرىك نەگيموۆ، تاريح عىلىمدارىنىڭ دوكتورى زارقىن تايشىباي، مەملەكەت تاريحى ينستيتۋتىنىڭ ديرەكتورى بۇركىتباي اياعان، بەلگىلى ابىلاي تانۋشى عيززات تابۋلدين ءسوز الىپ، ءوز ويلارىمەن ءبولىستى.

2018 جانە 2020-جىلدارى ەكى رەت ۇيىمداستىرىلعان «ابىلاي حاننىڭ قارا جولى» ەكسپەديتسياسى كوكشەتاۋدان باستاۋ الىپ، تۇركى حالقىنىڭ رۋحاني ورداسى تۇركىستان قالاسىندا مارەسىنە جەتتى.

ەكسپەديتسيا بارىسىندا ونىڭ مۇشەلەرى جول بويىنداعى اۋىلدارعا سوعىپ، اڭىز-اڭگىمەلەر جيناپ، ساپار بارىسىندا كەزدەسكەن تاريحي ورىنداردى بەلگىلەپ، قاعازعا تۇسىرگەن.

«رۋحاني جاڭعىرۋ» وڭىرلىك جوبالىق كەڭسەسىنىڭ مالىمەتىنشە، بيىلعى جىلى اتالمىش ەكسپەديتسيانىڭ قورىتىندىسى بويىنشا «ابىلاي حاننىڭ قارا جولى» جيناعى جارىق كوردى.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات