+7 (701) 759 90 19
-12 °С : نۇر-سۇلتان
0 °С : الماتى
USD 422.87 EUR 503.38
RUB 5.6 CNY 64.3
جاڭالىقتار

ەۋرووداق ليدەرلەرى «ۇلكەن جيىرمالىق» سامميتى الدىندا ە و باسىمدىقتارى تۋرالى ايتتى

22 قاراشا 12:31
:ءبولىسۋ
ەۋرووداق ليدەرلەرى «ۇلكەن جيىرمالىق» سامميتى الدىندا ە و باسىمدىقتارى تۋرالى ايتتى

بريۋسسەل. قازاقپارات - ەۋروپالىق كوميسسيا پرەزيدەنتى ۋرسۋلا فون دەر لايەن جانە ەۋروپالىق كەڭەس باسشىسى شارل ميشەل بۇگىن بريۋسسەلدە وتكەن سامميت بارىسىندا G20 ليدەرلەرىنىڭ ۆيرتۋالدى سامميتىنىڭ الدىندا ە و باسىمدىقتارى تۋرالى ايتتى، دەپ حابارلايدى «قازاقپارات» ح ا ا ءتىلشىسى.

ەكى ساياساتكەر دە 21-22- قاراشا كۇندەرى وتەتىن «ۇلكەن جيىرمالىق» سامميتىندە ە و اتىنان وكىلدىك ەتەدى.

مالىمدەمەدە كوروناۆيرۋستان زارداپ شەگىپ وتىرعان الەمدە ە و- نىڭ اتالعان داعدارىستىڭ تەرەڭدەپ بارا جاتقان سالدارىمەن كۇرەستە ايانىپ قالمايتىنى ايتىلعان.

سول سەبەپتى ولاردىڭ پىكىرىنشە، قازىر ءتۇرلى زەرتتەۋلەر مەن ۆاكتسينا جانە وزگە دە تەراپيەۆتىك قۇرالداردى دايىنداۋعا ينۆەستيتسيا سالا بەرگەن ءجون.

ولاردى الەمدە بارلىق ادامدار ەشقانداي ءبولىپ-جارۋسىز بىردەي الا الاتىنداي بولۋى كەرەك.

«ACT- Accelerator مەن ونىڭ COVAX- سى ءبىزدىڭ باستى قۇرالدارىمىز بولىپ تابىلادى»، - دەيدى ە و ليدەرلەرى.

بريۋسسەل G20 ليدەرلەرىن الەم مەملەكەتتەرىنىڭ اتالعان باستامالارىن قارجىلاندىرا بەرۋگە، وسى باعىتتا جىل سوڭىنا دەيىن 4,5 ميلليارد ا ق ش دوللارىن بولۋگە شاقىرماق. ە و سونىمەن قاتار ەۋروپا ەلدەرىنىڭ جانە دامۋشى ەلدەر مەن كىرىسى تومەن مەملەكەتتەردىڭ ەكونوميكاسىن قولداۋعا كۇش سالادى.

بۇل رەتتە اتالعان ەلدەرگە قارىزدارىن قايتارۋدى 2021-جىلعا دەيىن توقتاتا تۇرىپ، ودان سوڭ دا تاعى 6 اي مۇمكىندىك بەرۋ كەرەك. الەمگە تونگەن قاۋىپ-قاتەردى قۇرىلىس مۇمكىندىكتەرىنە اينالدىرا وتىرىپ، ە و «جيىرمالىق توبىندا» جاسىلعا نەگىزدەلگەن، ينكليۋزيۆتى، تۇراقتى، سيفرلىق ءوسىم باعىتىندا تۇراقتى قالپىنا كەلتىرۋدى جەتىلدىرمەك.

بۇل جۇمىستار 2030-جىلعا دەيىن باعىتتالعان كۇن ءتارتىبى مەن ونىڭ تۇراقتى دامۋ باعىتىنداعى ماقساتتارىن ورىنداۋ ارقىلى جۇزەگە اسىرىلماق. سامميت سونىمەن قاتار ە و- نىڭ ەركىن ءارى ءادىل ساۋدانىڭ حالىقارالىق ءتارتىبىن جاقتايتىنىن تاعى ءبىر رەت دالەلدەۋگە مۇمكىندىك بەرەدى.

ە و گەندەرلىك تەڭدىك پەن لايىقتى ەڭبەك شارتىن قولدايدى. سونىمەن قاتار بالا ەڭبەگىن پايدالانۋدى جويۋ، ءماجبۇرلى جۇمىسقا جەگۋ، ادام ساۋداسى مەن قازىرگى زامانعى قۇلدىقپەن كۇرەسكە كۇش سالادى.


#الةم  
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات